Martha Plimpton

Martha Plimpton
Vida
Nacimientu	Nueva York, 16 de payares de 1970 (53 años)
Nacionalidá	Estaos Xuníos
Familia
Padre	Keith Carradine
Madre	Shelley Plimpton
Hermanos/es	Sorel Carradine
Pueblu	Carradine family (en)
Estudios
Estudios	Professional Children's School (en)
Oficiu	actriz de televisión, actriz de cine, actriz de teatru, cantante, modelu
Premios	ver Premios Primetime Emmy Primetime Emmy a la mejor actriz invitada - Serie dramática  (2012) : The Good Wife
Nominaciones	ver Premiu Tony a la meyor actriz de repartu nuna obra de teatru (2007) Premiu Tony a la meyor actriz de repartu nuna obra de teatru (2008)
IMDb	nm0000588

Martha Campbell Plimpton (16 de payares de 1970, Nueva York) ye una actriz d'Estaos Xuníos.

Biografía

Ye fía de los actores Keith Carradine y Shelley Plimpton, nieta de John Carradine, sobrina de David Carradine y Robert Carradine, prima de Ever Carradine, y Kansas Carradine. Los sos padres nunca se casaron y dixebráronse pocu dempués de nacer ella. Foi criada pola so madre en Nueva York, en Uper West Side. Nun conoció al so padre hasta que tuvo 4 años asina que quiciabes por eso tomó l'apellíu de la so madre y non el de la so estensa familia interpretativa. Foi novia del fináu actor River Phoenix. Rompieron años dempués, anque consiguieron caltener una fuerte amistá hasta la muerte de River en 1993. Dempués foi pareya de John Patrick Walker.

Empezó bien mocina nel drama d'Alan J. Pakula "Rollover", faciendo de la fía mayor d'un matrimoniu adineráu, equí trabayó con Jane Fonda y Kris Kristofferson. Sicasí, sorprendió la so actuación nel drama d'aventures La barca del infiernu en 1984, onde yera una adolescente que conoz al so padre, interpretáu por Tommy Lee Jones, un ex convicto acabante lliberar de prisión.

En 1985 participó nel ésitu de taquilla xuvenil Los Goonies, que trata d'un grupu de neños que al enterase de la noticia de que van perder les sos cases, deciden dir en busca d'una ayalga. Martha yera l'arrayante y sabicheru Stef. Nesta película tamién tuvieron Sean Astin (conocíu pol so papel de Sam en El Señor de los Aniellos), Josh Brolin, Corey Feldman o Jonathan Ke Quan, ente otros.

La siguiente película que realizó foi'l drama d'aventures de Peter Weir, La Mariña de los Mosquitos, onde un excéntrico inventor Allie Fox (Harrison Ford), fartu de vivir na sociedá d'Estaos Xuníos, decide un día abandonar el so país, y treslladase xunto a la so esposa (Helen Mirren) y el so fíu Charlie (River Phoenix) a Belize. Nesta película, faía de la cuasi novia de River Phoenix y esta rellación foi trespasada fora de les pantalles.

Fueron munchos los papeles que fizo mientres la so mocedá, pero destacaron dos. Per un sitiu, participó nel drama de Woody Allen, Another Woman, onde faía'l papel de fiyasca d'una muyer bien intelixente que se replantega la so vida cuando decide escribir un llibru, y na comedia de Ron Howard, Duce llar...dacuando, que faía d'una moza rebalba que taba embarazada y que solo quería vivir cola so despreocupado noviu, al pie de: Steve Martin, Dianne Wiest, Mary Steenburgen, Jason Robards, Rick Moranis, Tom Hulce, Keanu Reeves, Harley Jane Kozak, Joaquin Phoenix, Eileen Ryan y Bryce Dallas Howard, y que darréu se convirtió en serie.

Algamó'l maduror col drama biográficu d'Alan Rudolph, Mrs Parker y el Círculu viciosu, que se ambientaba nos años 20 con Jennifer Jason Leigh, Campbell Scott, Matthew Broderick y Peter Gallagher. Otra película importante ye Beautiful Girls, na que yera una camarera que taba farta del so celosu noviu, pero en cuanto él coquetea con una moza, dase cuenta de los sos sentimientos ya intenta volver con él. Ende cuntó cola compañía de Matt Dillon, Timothy Hutton, Rosie O'Donnell, Natalie Portman, Mira Sorvino y Uma Thurman.

Son munches les películes nes que participó. Sicasí, cansada en parte de la poca reconocencia alcanzada nel cine, decidió abandonar momentáneamente la pantalla grande. Asina se pasó al teatru onde actuó en Moces Top y The Coast of Utopia, polos que foi nomada al Tony y actuó xunto a Ethan Hawke, Bobby Cannavale y Elizabeth Berkley.

Sicasí, na última década, compaxinó les sos actuaciones nel teatru cola presencia en munches series. Una de la primeres foi na serie Urxencies onde interpretó nun arcu de cuatro capítulos a Meg Corwin. Depués siguiéronlu Law & Order: Special Victims Unit, 7 nel paraísu, Llei y Orde: Aición criminal o Surface.

Pero ye nestos últimos años onde tuvo más trabayu televisivu, empezando por Grey's Anatomy, foi la madre d'un mozu paciente. Na que pudi apreciase el so rexistru dramáticu foi na la bien recibida pola crítica The Good Wife, onde interpretaba a Patti Nilhom, una abogada embarazada que s'enfrentó al bufete en dos casos distintos. Tamién sale en How To Make It In America nel papel de Edie Weitz, compañera de trabayu de Rachel Chapman. Ensin escaecer, la so participación na serie Fringe, onde interpreta a una muyer policía.

Estudió na Professional Children's School de Nueva York

Filmografía

• Una muyer de negocios (1981)
• La barca del infiernu (1984)
• Los Goonies (1985)
• La mariña de los mosquitos (1986)
• Another Woman (1988)
• Stars and Bars (1988)
• Shy people (1988)
• Running on Empty (1988)
• Duce llar, dacuando (1989)
• Cartes a Iris (1990)
• Samantha (1992)
• Encaxes de muyer (1993)
• Josh y S. A. M. (1993)
• La familia Bean (1994)
• Mrs. Parker and the Vicious Circle (1994)
• Yo disparé a Andy Warhol (1996)
• Beautiful girls (1996)
• Los defensores (1997)
• Music from Another Room (1998)
• Pecker (1998)
• 200 Cigarettes (1999)
• El color de la llei (1998)
• Remember Me (2010)
• Raising Hope (2010) (serie de televisión)

Enllaces esternos

• Martha Plimpton na Internet Movie Database (n'inglés)

• Datos: Q267383
• Multimedia: Martha Plimpton