Isaac Newton
Isaac Newton, (25 d'avientu de 1642 (xul.), Woolsthorpe Manor (es) – 20 de marzu de 1727 (xul.), Kensington) foi un científicu, filósofu y matemáticu inglés, autor de los Philosophiae Naturalis Principia Mathematica, más conocíos como los Principia, onde describió la llei de la gravedá y, per aciu de les lleis que lleven el so nome, afitó les bases de la Mecánica Clásica.
Foi'l primeru n'amosar que les lleis naturales que gobiernen el movimientu de la Tierra y les que gobiernen el movimientu de los cuerpos celestes son les mesmes. Xunto con Gottfried Leibniz ye'l padre del cálculu modernu.
Les lleis de la dinámica
[editar | editar la fonte]Nel so tratáu nomáu Principa desplíquense les tres lleis de la Dinámica o Lleis de Newton, nes que Newton desendolca'l movimientu de los cuerpos asina como los sos efeutos y causes. Estes lleis son:
- La primer Llei de Newton o Llei de la inercia
"Tou cuerpu caltendráse nos sos estaos de reposu o movimientu uniforme y rectilliniu a nun ser que seya angariyáu por fuercies impreses a camudar el so estáu."
Con esta llei, Newton afita qu'un cuerpu sobro'l que nun actúen fuercies estrañes (o que les qu'actúen anúlense ente elles) caltendráse en reposu o moviéndose a velocidá constante.
Esta idea, que yá fuera enunciada por Descartes y Galileo, suponía frañer cola física aristotélica, según la qu'un cuerpu namái se caltenía en movimientu mentanto actuara una fuercia sobro él.
- La segunda Llei de Newton o Llei de la interaición y la fuercia
"El cambéu de movimientu ye proporcional a la fuercia motriz impresa y ocurre según la llinia reuta a lo llargo de qu'esa fuercia s'imprime"
Esta llei desplica les condiciones necesaries pa camudar l'estáu de movimientu o reposu d'un cuerpu. Según Newton estes modificaciones namái tienen llugar si se produz una interaición ente dos cuerpos, entrando o non en contautu (por exemplu, la gravedá actúa ensin qu'heba contautu físicu). Según la segunda llei, les interaiciones producen variaciones nel momentu llinial, a razón de
Siendo la fuercia, la derivada del momentu llinial, la derivada del tiempu.
La segunda llei pue resumise na fórmula
,
siendo la fuercia (midida en newtons) qu'hai d'aplicar sobro un cuerpu de masa m pa provocar una aceleración .
- La tercer Llei de Newton o Llei d'aición-reaición
"Con toa aición asocede siempres una reaición igual y de sen contrariu; les aiciones mutues de dos cuerpos siempres son iguales y empobinaes en senes opuestos"
Esta llei refléxase constantemente na natura: la sensación de dolor que se siente al golpiar una mesa, darréu que la mesa exerz una fuercia sobre ún mesmu cola mesma intensidá; el puxu qu'algama un nalador al exercer una fuercia sobro'l borde de la piscina, siendo la fuercia que lu emburria la reaición a la fuercia qu'él fixera previamente...
La gran obra de Newton venía a poner fin a la revolución científica entamada por Nicolás Copérnico (1473-1543) y entamaba un periodu d'enfotu ensin llendes na razón, estensible a tolos campos del conocimientu.
Obres
[editar | editar la fonte]![](http://upload.wikimedia.org/wikipedia/commons/thumb/3/33/1987_CPA_5874.jpg/350px-1987_CPA_5874.jpg)
- Method of Fluxions (1671)
- Philosophiae Naturalis Principia Mathematica (1687)
- Opticks (1704)
- Arithmetica Universalis (1707)
Wikimedia Commons tien conteníu multimedia tocante a Isaac Newton.
Referencies
[editar | editar la fonte]- ↑ URL de la referencia: http://www.nationaltrustcollections.org.uk/place/woolsthorpe-manor. Data de consulta: 22 febreru 2020.
- ↑ 2,0 2,1 2,2 Afirmao en: A Short History of Astronomy. Autor: Arthur Berry. Editorial: John Murray. Llingua de la obra o nome: inglés británicu. Data d'espublización: 1898.
- ↑ URL de la referencia: http://www.humanistictexts.org/newton.htm.
- ↑ URL de la referencia: http://db.stevealbum.com/php/chap_auc.php?site=2&lang=1&sale=4&chapter=17&page=3.
- ↑ Sección, versículu o párrafu: Ньютон Исаак. Afirmao en: Gran Enciclopedia Soviética (1969–1978). Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ URL de la referencia: http://www.bbc.co.uk/timelines/zwwgcdm.
- ↑ URL de la referencia: https://www.francetvinfo.fr/monde/royaume-uni/stephen-hawking-sera-enterre-au-cote-de-newton-et-darwin-a-l-abbaye-de-westminster_2666542.html.
- ↑ URL de la referencia: https://books.google.co.uk/books?id=h3KgCgAAQBAJ&pg=PT149&dq=catherine+barton&hl=en&sa=X&ved=0ahUKEwimjfLe_5jlAhU0QxUIHe5ICYkQ6AEIUDAF#v=onepage&q=catherine%20barton&f=true.
- ↑ Afirmao en: catálogu de la Biblioteca Nacional Checa. Identificador NKCR AUT: jn20000604178. Data de consulta: 1r marzu 2022.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://www.cambridge.org/core/journals/british-journal-for-the-history-of-science/article/abs/isaac-newton-heretic-the-strategies-of-a-nicodemite/BA5CEF06E00988913933426A1F5A3CA6.
Enllaces esternos
[editar | editar la fonte]- «Isaac Newton». en Find a Grave. (n'inglés)
- Obres d'Isaac Newton nel Proyeutu Gutenberg