Franklin Delano Roosevelt
Franklin Delano Roosevelt ( Nueva York, 30 de xineru de 1882 – 12 d'abril de 1945), el trentenu segundu presidente de los Estaos Xuníos y únicu hasta anguaño na historia norteamericana n'estender el so mandatu a 3 llexislatures.
Biografía
[editar | editar la fonte]Yera primu del presidente Theodore Roosevel y estudió como él la carrera de drechu na Universidá de Harvard. Nún entamu alternaba l'actividá xurídica y la política aportando a ser senador demócrata, secretariu de Marina y gobernador de Nueva York. En 1921 foi afeutáu pola poliomelitis, enfermedá que nun-y torgó la carrera política.
La crisis económica de 1929 y el so apuestu por una nueva política, el (New Deal) (nuevu repartu), fízo-y ganar la confianza de la población d'Estaos Xuníos nes eleiciones de 1932 derrotando al candidatu republicanu Herbert C. Hoover, y convirtiéndose nel 32ᵘ Presidente de los Estaos Xuníos d'América pol Partíu Demócrata. Tres superar la crisis económica potenció la política esterior lluchando por algamar la primacía mundial d'Estaos Xuníos, afitando rellaciones diplomátiques cola Xunión Soviética en 1933. Como retruque a l'amenaza de la Alemaña de Hitler, punxo en marcha una riestra de midides (rearme, economía de guerra, alliniación coles potencies democrátiques) que tresnaron al so país pa un dable enfrentamientu armáu, asina como foi tres del arrebexu xaponés a la base militar de Pearl Harbour nel Pacíficu nel añu 1941.
![](http://upload.wikimedia.org/wikipedia/commons/c/c4/FDRoosevelt.gif)
Partidariu de la vía diplomática y de caltener contautos personales colos políticos aliaos, entrevistóse en delles ocasiones, por separtao y conxuntamente, con W. Churchill y Y. Stalin p'algamar alcuerdos al finar la II Guerra Mundial. Nesta llinia y d'acordies al so deséu de llograr un atalantamientu pacíficu ente los distintos países, encamentó la creación d'una Organización de les Naciones Xuníes (ONX). Na so xera política, arriendes, hai de solliñar un importante papel de la so esposa Eleanor.
Magar que sabía del proyeutu Manhattan sobro'l desendolcu de la bomba atómica, nun algamó a alministrar el so usu.
L'avanzáu cáncer cerebral que padecía pudo más que la fuercia y enfotu del políticu morriendo na so residencia de Warm Springs, Georgia, el 12 d'abril de 1945, a les puertes de la fin del conflictu ensin ver finar la Segunda Guerra Mundial y ensin algamar alcuerdu col ca vegada más poderosu Stalin.
Predecesor: Herbert C. Hoover |
Presidente de los Estaos Xuníos 4 de marzu de 1933 - 12 d'abril de 1945 |
Socesor: Harry S. Truman |
![]() |
![]() |
|
---|---|---|
Washington | J. Adams | Jefferson | Madison | Monroe | J.Q. Adams | Jackson | Van Buren | W. Harrison | Tyler | Polk | Taylor | Fillmore | Pierce | Buchanan | Lincoln | A. Johnson | Grant | Hayes | Garfield | Arthur | Cleveland | B. Harrison | Cleveland | McKinley | T.R. | Taft | Wilson | Harding | Coolidge | Hoover | F.D.R. | Truman | Eisenhower | J.F.K. | L.B.J. | Nixon | Ford | Carter | Reagan | G.H.W. Bush | Clinton | George W. Bush | Barack Obama | Donald Trump | Joe Biden |
Referencies
[editar | editar la fonte]- ↑ URL de la referencia: http://www.nytimes.com/2012/10/18/nyregion/roosevelt-four-freedoms-park-is-dedicated.html.
- ↑ 2,0 2,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ «Warm Springs Historic District». National Park Service. Consultáu'l 16 avientu 2021. «That afternoon, Roosevelt seated in a favorite chair near the fireplace... Suddenly, he suffered a massive stroke. Carried from the room into his bedroom, he died later that same afternoon»
- ↑ Afirmao en: The Cold War: A New History (1 ed.). Capítulo: 1. Páxina: 10. Autor: John Lewis Gaddis. Llingua de la obra o nome: inglés. Editorial: Penguin Books.
- ↑ «The Death of President Roosevelt, April 12, 1945». Consultáu'l 16 avientu 2021.
- ↑ 6,0 6,1 6,2 Afirmao en: Kindred Britain.
- ↑ 7,0 7,1 7,2 7,3 Afirmao en: The Peerage. Llingua de la obra o nome: inglés. Autor: Darryl Lundy.
- ↑ 8,0 8,1 8,2 «Time» (inglés). Time Inc.. Consultáu'l 16 avientu 2021.
- ↑ URL de la referencia: https://www.thersa.org/about/albert-medal/past-winners.
- ↑ URL de la referencia: https://classic.stamps.org/HOF-1942.
- ↑ 11,0 11,1 11,2 11,3 Afirmao en: nobelprize.org. Identificador de nominación de persona al Premio Nobel: 7856. Editorial: Fundación Nobel. Llingua de la obra o nome: inglés.
Enllaces esternos
[editar | editar la fonte]- Franklin Delano Roosevelt na Internet Movie Database (n'inglés)
- Franklin Delano Roosevelt en FilmAffinity (castellán)
- «Franklin Delano Roosevelt». en Find a Grave. (n'inglés)
- Obres de Franklin Delano Roosevelt nel Proyeutu Gutenberg