Ciudá de San Marín
![]() | |||||
---|---|---|---|---|---|
![]() | |||||
| |||||
Alministración | |||||
País | ![]() | ||||
Tipu d'entidá | ciudá | ||||
Cabezaleru/a del gobiernu |
Tomaso Rossini (en) ![]() | ||||
Nome oficial | Città di San Marino (it) | ||||
Nome llocal | Città di San Marino (it) | ||||
Códigu postal |
RSM-47890 | ||||
Xeografía | |||||
Coordenaes | 43°55′55″N 12°26′54″E / 43.932011°N 12.44845°E | ||||
![]() | |||||
Superficie | 7.09 km² | ||||
Altitú | 749 m | ||||
Llenda con | Fiorentino, Chiesanuova, Acquaviva, Borgo Maggiore y San Leo | ||||
Demografía | |||||
Población | 4040 hab. (2018) | ||||
Porcentaxe | 12.02% de San Marín | ||||
Densidá | 569,82 hab/km² | ||||
Más información | |||||
Fundación | 301 | ||||
Estaya horaria | UTC+01:00 | ||||
Llocalidaes hermaniaes | |||||
sanmarinosite.com… | |||||
![]() |
La Ciudá de San Marín (italianu: Città di San Marino) ye la capital de San Marín, allugada sobre'l monte Titano nos montes Apeninos.
Con 4040 hab. (2018) ye la tercera ciudá del país en población dempués de Borgo Maggiore y Dogana (llocalidá de Serravalle). Ye tamién la capital del castello (conceyu) homónimu.
Tien una superficie de 7,09 km² y llenda con Fiorentino, Chiesanuova, Acquaviva, Borgo Maggiore y San Leo.
Historia
[editar | editar la fonte]La ciudá foi fundada por Marinus y varios refuxaos cristianos nel añu 301. A partir d'ehí, la ciudá convirtióse nun centru de refuxaos cristianos que fuxíen de las persecuciones romanes, eso fizo que la ciudá se convertiera na república más antigua d'Europa, pues cal dicir que na dómina tala'l territoriu samarinés correspondía a la sola ciudá de San Marín.
El corazón urbanu de la ciudá foi protexíu por tres torres: la primera, Guaita, construyida bien ceo (sieglu XI) pa protexer la ciudá, tenía fama d'intrespasable, lo que reducía en gran parte los ataques a la ciudá, pues desmotivaba a quien-yos tentaba la idea d'atacar la ciudá.
Por mor de la guerra que nun cesaba, viose la necesidá de construyir una segunda torre, la Cesta (sieglu XIII). Pero'l sistema defensivu samarinés nun foi completáu hasta la construcción de la tercer torre, la Montale (sieglu XIV), la más pequeña de toes y construyida sobre la cabera de les cimes del monte de las trés cimes, el Titano.
Col percorrer de los años, la población de la ciudá foi medrando, demientres que'l territoriu siguía siendo d'unos cuantos quilómetros; la política samarinesa nun incluyía nin la invasión, nin la utilización de la guerra p'algamar nuevos territorios, ye por mediu de compres y de trataos que San Marín algamaba los otros nueve castelli colos que cunta na actualidá.
Economía
[editar | editar la fonte]La economía de la Ciudá de San Marín, tuvo siempres lligada a la industria nacional. Fasta va poco, les principales actividaes económiques de la llocalidá yeren l'estraición y los trabayos en piedra (talla de piedra, mármol). Güei la economía muévese gracies al turismu, el comerciu (venta de recuerdos), la venta de sellos postales, amás d'una pequeña industria agrícola, anque esta cabera en decadencia. Nun hai qu'escaecer tamién que San Marín tien ún de los PIB per cápita más altos del mundiu.
Nᵘ | Nome
|
Población | % población Ciudá de San Marín
|
---|---|---|---|
1 | Cà Berlone
|
n/d
| |
2 | Canepa
|
n/d | |
3 | Casole
|
n/d | |
4 | Castellaro
|
n/d | |
5 | Montalbo
|
n/d | |
6 | Murata
|
n/d | |
7 | Santa Mustiola
|
n/d |
Turismu
[editar | editar la fonte]![Monte Titano](http://upload.wikimedia.org/wikipedia/commons/thumb/7/7d/Panorama_of_the_Cesta_Tower_in_San_Marino.jpg/100px-Panorama_of_the_Cesta_Tower_in_San_Marino.jpg)
![Catedral de San Marín](http://upload.wikimedia.org/wikipedia/commons/thumb/7/71/Cathedral_San_Marino_-_Exterior.jpg/100px-Cathedral_San_Marino_-_Exterior.jpg)
Pa entrar al centru históricu de la Ciudá de San Marín, hai qu'atrevesar la Puerta de San Franciscu (tamién nomada del Llocu), al llau de la que s'alcuentra la catedral del mesmu nome. Nel templu, construyíu nel sieglu XV, puen observase representaciones pictóriques d'artistes importantes.
La Ciudá de San Marín ofrez un panorama únicu, cunta con ún de los monumentos famosos, ente los que cal destacar la casa'l conceyu (Palazzo Pubblico), numberosos museos y los trés castiellos qu'aseguraben la defensa de la ciudá antaño.
La ciudá, visitada por más de trés millones de persones al añu, afirmóse progresivamente como un gran centru turísticu, un 85% de los turistes sonitalianos. La ciudá cunta amás con más de mil tiendes, onde ye posible alcontrar gran variedá de productos.
Sitios d'interés
[editar | editar la fonte]La ciudá nun ofrez namás qu'una manífica vista sinón tamién varies curiosidaes célebres como:
- El Palaciu de los Capitanes (Palazzo dei Capitani)
- La Casa'l Conceyu (Palazzo Pubblico)
- Los trés castiellos (Guaita, Cesta y Montale)
- Plaza del Titano
- Plaza de Garibaldi (monumentu a Marinus)
- Monesteriu de Santa Clara
- Muséu del Emigrante
Llocalidaes hermaniaes
Les ciudaes hermaniaes con Ciudá de San Marín son:
- Scranton (es)
(
Estaos Xuníos)
- Rønne (
Reinu de Dinamarca)
- Rab (dende 1968) (
Croacia)
- San Leo (dende 1995) (
Italia)