Christopher Hewett
Christopher Hewett![]() | |
---|---|
Vida | |
Nacimientu | Worthing, 5 d'abril de 1922[1] |
Nacionalidá |
![]() ![]() |
Muerte | Los Angeles[2], 3 d'agostu de 2001[1] (79 años) |
Sepultura |
Cementerio de Brookwood (es) ![]() |
Causa de la muerte | Diabetes |
Estudios | |
Estudios |
Wimbledon College (en) ![]() Beaumont College (es) ![]() |
Llingües falaes | inglés |
Oficiu | actor, actor de teatru, actor de cine, actor de televisión |
IMDb | nm0381973 |
![]() |
Christopher Hewett (5 d'abril de 1922, Worthing – 3 d'agostu de 2001, Los Angeles) foi un actor y direutor teatral británicu, conocíu principalmente pol so papel de Lynn Belvedere na sitcom televisiva de l'ABC Mr. Belvedere.
Biografía
[editar | editar la fonte]El so nome completu yera Christopher Michael Hewett, y nació en Worthing, Sussex (Inglaterra), siendo'l so padre un oficial del exércitu y la so madre una irlandesa descendiente de Daniel O'Connell.[3] Estudió nel Beaumont College, y a los siete años d'edá debutó n'escena nuna producción representada en Dublín de A Midsummer Night's Dream. A los 16 años, Hewett entró a formar parte de la Royal Air Force, dexándola en 1940. Hewett darréu entró na Oxford Repertory Company, debutando nel circuitu teatral del West End londinense en 1943.[4]
Darréu actuó nel circuitu de Broadway trabayando nos musicales My Fair Lady, The Unsinkable Molly, Music Is, y Kean, amás de la obra Sleuth, ente otres pieces, y dirixó en 1960 en Broadway la revista From A to Z y el musical de Richard Rodgers y Lorenz Hart representáu en 1967 Off Broadway By Jupiter. Hewett tamién dirixó otres pieces teatrales, ente elles The Marriage-Go-Round y Beyond the Fringe and Camelot.[5]
Hewett debutó nel cine col drama criminal de 1951 Pool of London, trabayando más palantre pa la televisión en Robert Montgomery Presents y DuPont Show of the Month. Ente les sos actuaciones cinematográfiques ye de reseñar el so papel del amuyeráu direutor teatral Roger DeBris na comedia de Mel Brooks de 1968 The Producers. En 1976 Hewett interpretó al burócrata Federov na sitcom Ivan the Terrible. Ente 1983 y 1984 foi Lawrence, el personaxe compinche del Mr. Roarke interpretáu por Ricardo Montalbán na temporada final de la serie de l'ABC Fantasy Island.
Al añu siguiente Hewett empezó'l que sería'l so papel más conocíu, el de Lynn Aloysius Belvedere, un mayordomu inglés que trabayaba nuna familia estauxunidense de clase media na sitcom Mr. Belvedere. En rematando la serie en 1990, Hewett actuó como convidáu nun episodiu de la producción de la NBC California Dreams. El so postreru trabayo ante les cámares foi en 1997, un caméu nel show de la FOX Ned & Stacey.[5]
Devotu católicu y solteru de tola vida, Hewett foi diáconu na Ilesia de St. Victor, en West Hollywood. Nos sos últimos años tuvo afeutáu pola artritis y la diabetes,[3] finando por entueyos de la postrera'l 3 d'agostu de 2001 en Los Angeles, California. Tenía 79 años d'edá. Nun dexó descendencia.
Filmografía
[editar | editar la fonte]Añu | Títulu | Papel | Observaciones |
---|---|---|---|
1951 | Pool of London | Mike | |
1951 | The Lavender Hill Mob | Inspector Talbot | |
1954 | The Million Pound Note |
Ensin creitos | |
1968 | The Producers | Roger De Bris | |
1986 | Ratboy | Profesor d'interpretación |
Añu | Títulu | Papel | Observaciones |
---|---|---|---|
1955 | Robert Montgomery Presents | 1 episodiu | |
1959 | DuPont Show of the Month |
1 episodiu | |
1976 | Ivan the Terrible | Federov | 5 episodios |
1979 | ABC Afterschool Special |
1 episodiu | |
1982 | ABC Theatre of the Month: The Elephant Man | Ross | Telefilme |
1982 | Hart y Hart | Jeremy Lane | 1 episodiu |
1982 | Massarati and the Brain | Anatole | Telefilme |
1983–1984 | Fantasy Island | Lawrence | 8 episodios |
1984 | Y/R | Inglés | 1 episodiu |
1985–1990 | Mr. Belvedere | Mr. Lynn Aloysius Belvedere | 115 episodios |
1987 | The New Mike Hammer | 1 episodiu | |
1987 | Murder, She Wrote | Humphrey Defoe | 1 episodiu |
1990 | A Very Retail Christmas | Pantasma de les Navidaes Pasaes | Telefilme |
1994 | California Dreams | Mr. Green | 1 episodiu |
1997 | Ned & Stacey |
1 episodiu |
Ver tamién
[editar | editar la fonte]Referencies
[editar | editar la fonte]- ↑ 1,0 1,1 Afirmao en: SNAC. Identificador SNAC Ark: w6kj3fx7. Apaez como: Christopher Hewett. Data de consulta: 9 ochobre 2017. Llingua de la obra o nome: inglés.
- ↑ 2,0 2,1 Afirmao en: Find a Grave. Data de consulta: 30 xunu 2024. Llingua de la obra o nome: inglés.
- ↑ 3,0 3,1 Gaughan, Gavin (18 d'ochobre de 2001). «Christopher Hewett Obituary». guardian.co.uk. Consultáu'l 19 de mayu de 2009.
- ↑ «Christopher Hewett». independent.co.uk (9 d'agostu de 2001). Consultáu'l 19 de mayu de 2009.
- ↑ 5,0 5,1 «Christopher Hewett Biography». filmreference.com. Consultáu'l 19 de mayu de 2009.
Enllaces esternos
[editar | editar la fonte]- Christopher Hewett na Internet Broadway Database (n'inglés)
- Christopher Hewett na Internet Movie Database (n'inglés)
- «Christopher Hewett». en Find a Grave. (n'inglés)