Anne Heche
Anne Celeste Heche (25 de mayu de 1969, Aurora – 11 d'agostu de 2022, Los Angeles) foi una actriz, realizadora, escenógrafa y productora d'Estaos Xuníos.
Biografía
[editar | editar la fonte]Empezó la so carrera como actriz a los 12 años nun café teatru pa contribuyir a la subsistencia familiar. Tres años más tarde foi afayada por un cazatalentos que-y ufiertó participar na serie As the world turns, daqué qu'ella refugó pa siguir ayudando al so famila. A los 17 años, diplomada nel institutu, treslladóse a Nueva York p'actuar na serie Another World, nel papel de les ximielgues Vicki Hudson Frame y Marley McKinnon. La so actuación mientres cuatro años valió-y un Daytime Emmy Award en 1991.
Esi mesmu añu abandonó la serie pa empezar la so carrera cinematográfica. Dempués d'actuar nuna serie de películes ensin mayor relevancia, llegaron Walking and Talking (1996) y The Juror (1996), xunto a Demi Moore.
La so actuación como esposa de Johnny Depp en Donnie Brasco (1997) valió-y delles crítiques positives, como tamién les sos actuaciones en Volcano (1997), xunto a Tommy Lee Jones, y Wag the Dog (1997) xunto a Robert De Niro y Dustin Hoffman.
Onde más se dio a conocer foi na comedia romántica Six Days, Seven Nights (1998 dirixida por Ivan Reitman, xunto a Harrison Ford. Tamién intervieno en Psycho (1998), el remake d'una de les obres más conocíes d'Alfred Hitchcock, Psycho (1960). Nesta película interpreta a Marion Crane, papel qu'antaño lo interpretó Janet Leigh.
Vida personal
[editar | editar la fonte]Foi pareya mientres dos años de Steve Martin, y darréu del músicu Lindsey Buckingham, de Fleetwood Mac.
En 1997, arriendes de la so participación en The Ellen DeGeneres Show, entabló una rellación cola comediante Ellen DeGeneres. La pareya, qu'inclusive dixo que si en Vermont fueren llegales les bodes homosexuales casaríense, rompió tres años más tarde y Heche empecipió una rellación col cámara Coleman Laffon, col que se casó y tuvo un fíu: Homer (2002). El matrimoniu divorcióse en 2007.
Filmografía
[editar | editar la fonte]Añu | Película | Papel | Notes |
---|---|---|---|
1993 | An Ambush of Ghosts | Denise | |
The Adventures of Huck Finn | Mary Jane Wilks | ||
1994 | I ell Do Anything | Claire | |
Milk Money | Betty | ||
A Simple Twist of Fate | Compañera de Tanny | Ensin acreitar | |
1996 | The Juror | Juliet | |
Wild Side | Alex Lee/Johanna | ||
Pie in the Sky | Amy | ||
Walking and Talking | Laura | ||
1997 | Donnie Brasco | Maggie Pistone | |
Volcano | Dr. Amy Barnes | ||
I Know What You Did Last Summer | Melissa 'Missy' Egan | ||
Wag the Dog | Winifred Ames | ||
1998 | Psycho | Marion Crane | |
Return to Paradise | Beth Eastern | ||
Six Days, Seven Nights | Robin Monroe | ||
1999 | The Third Miracle | Roxane | |
2000 | Auggie Rose | Lucy | Tamién conocida como Beyond Suspicion |
2001 | Prozac Nation | Dr. Sterling | |
2002 | John Q. | Rebecca Payne | |
2004 | Birth | Clara | |
Gracie's choice | Rowena Lawson | ||
2005 | Sexual Life | Gwen | |
2007 | What Love Is | Laura | |
Suffering Man's Charity | Helen | ||
Superman: Doomsday | Lois Lane | Voz | |
2008 | Toxic Skies | Dr. Tess Martin | |
2009 | Spread | Samantha | |
2011 | Cedar Rapids | Joan Ostrowski-Fox | |
2014 | The Legend of Korra | Suyin Beifong | Voz |
2015 | Wild Card | Roxy |
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ «L'actrice Anne Heche est morte, une semaine après son accident de voiture» (francés) (12 agostu 2022). Consultáu'l 15 agostu 2022.
- ↑ URL de la referencia: https://mec.lacounty.gov/case-detail/?caseNumber=2022-08397. Data de consulta: 17 agostu 2022.
- ↑ «Anne Heche, TV, film and stage actor, dies at 53 from injuries in L.A. car crash» (inglés). Los Angeles Times (12 agostu 2022). Consultáu'l 12 agostu 2022.
- ↑ «idRef» (francés). Agencia Bibliográfica de Enseñanza Superior. Consultáu'l 1r mayu 2020.
- ↑ URL de la referencia: https://www.emmys.com/awards/nominees-winners/2004/outstanding-supporting-actress-in-a-miniseries-or-a-movie.
- ↑ URL de la referencia: https://www.tonyawards.com/nominees/year/2004/category/actress-leading-role-play/show/any/.
Enllaces esternos
[editar | editar la fonte]- Anne Heche na Internet Movie Database (n'inglés)
- Anne Heche na Internet Broadway Database (n'inglés)
- Anne Heche n'AllMovie (n'inglés)
- Anne Heche n'Instagram
- Anne Heche en Twitter