Manuel de Regla Mota

Manuel de Regla Mota
Presidente de la República Dominicana	;
Presidente de la República Dominicana
Vida
Nacimientu	Baní, 21 de payares de 1795
Nacionalidá	República Dominicana
Muerte	Baní, 1 de mayu de 1864 (68 años)
Oficiu	políticu

Manuel de Regla Mota y Álvarez (21 de payares de 1795, Baní – 1 de mayu de 1864, Baní) foi un políticu y militar dominicanu.

Vida política

Al proclamase la República ye nomáu coronel de les llamaes Milicies Nacionales. Los mandos encárguen-y la defensa de la frontera con Haití nel área de San Cristóbal y Baní . Al españar les hostilidaes ocupa coles sos tropes el puestu de "Les Hicoteas". Ellí sufre un seriu revés del que saco bones lleiciones. Dende entós Regla Mota actuó con una mayor prudencia en toles sos aiciones.

Na provincia d'Azua exerz un mandatu rigorosu. Pon n'orde a la rexón y toma les midíes necesaries por qu'acaben les falcatrúes del movimientu independentista y devuélvanse propiedaes y ganáu a los sos dueños.

Regla Mota foi siempres un home de Santana. El caudiellu apreciaba nél la so seriedá y honestidá. Primeru ministru de Guerra y Marina, dempués vicepresidente y más tarde presidente. Tola so carrera política escurre so la solombra próxima o alloñada de Santana.

Presidente constitucional

Tres l'arrenunciu del presidente Santana, na so calidá de vicepresidente, en mayu de 1856 asume la presidencia de la República. De Regla Mota recibió un país arruináu pola guerra con Haití y emisiones monetaries ensin respaldu, polo que sacó del exércitu a una parte de los militares porque'l gobiernu nun tenía fondos pa pagar los salarios. Esta situación foi aprovechada pol cónsul español Antonio María Segovia, quien espresó'l so sofitu al exiliáu Bonaventura Báez, por que retornara al poder.

Báez tornó al país y productu d'un alcuerdu políticu col presidente de Regla Mota y los sos aliaos, foi nomáu nuevu vicepresidente, pa depués dar en l'arrenunciu del xefe del Estáu, y Báez asumir el poder. Manuel de Regla Mota, como parte del alcuerdu, declaró una llei d'amnistía, arrenunció a la presidencia de la República n'ochobre de 1856 y apurrió el poder al vicepresidente Bonaventura Báez, en conformidá a la Constitución de 1854.

Finalmente Antonio María Segovia llogró que non yá Santana sinón tamién el so sustitutu, Regla Mota, sumieren de la escena política pa xugar la carta de Báez. Esta campaña d'hostilidá, teledirigida pol cónsul español contra Santana foi tan intensa que'l vieyu caudiellu tuvo qu'abandonar el país. Regla Mota, un lleal amigu del so xefe natural, Santana, tamién abandonó'l territoriu dominicanu. Muerre en 1864.

Referencies

Manuel De Regla Mota y Álvarez