Chondrus crispus

El carragán (Chondrus crispus), del irlandés carraigín (AFI:ˈkaɾˠɪɟinʲ), "pequeña roca", o carrageen, irish moss n'inglés, ye un alga colorada (filu Rhodophyta) bien abondosu, que n'ocasiones forma céspedes, siempres sobre superficies predreses. Alcuéntrase en toles costes atlántiques d'Europa y Norteamérica.

Chondrus crispus carragán
Clasificación científica
Reinu:	Protista
Filu:	Rhodophyta
Clas:	Florideophyceae
Orde:	Gigartinales
Familia:	Gigartinaceae
Xéneru:	Chondrus
Especie:	C. crispus Stackh.
Consultes
[editar datos en Wikidata]

Trátase d'una especie con valor económicu. Aprovéchense los polisacáridos complexos del so mucílagu, que formen la mayor parte del so pesu una vegada deshidrataes. En medicina emplégase como emoliente y llaxante, consumida en fervinchu. Empléguense como emulsionantes pola industria alimentaria y tamién na cocina doméstica.

Na producción de cerveza, úsase como floculante, pa clarificar la cerveza.

Propiedaes

Principios activos: contién abondosos mucílagos (hasta un 80%): carragenanes. Sales minerales.

Indicaciones: Úsase como demulcente (antiinflamatoriu, proteutor de les mucoses); saciante, amenorga l'absorción intestinal de lípidos y glúcidos, llaxante, inmunoestimulante, antitusivu. Emoliente, suduíficu. Indicáu para gripe, resfriaos, farinxitis, larinxitis, bronquitis, enfisema, asma. Gastritis, úlceres gastroduodenales, estriñimientu. Coadyuvante nel tratamientu del sobrepesu, hiperlipidemies y diabetes.

A nivel intestinal pue interfirir na absorción de sales minerales, vitamines y otres melecines, si s'alministren coles mesmes. En pacientes diabéticos, remana la glucemia, énte la posibilidá de que se seya necesario axustar les dosis d'insulina o de antidiabéticos orales.

Les algues córtense a flor del suelu, llávense con agua duce y déxense ensugar al campu poniéndose pálides col sol. Cuando'l mofu ta secu si se pon n'agua y calezse, sume nesta y al esfrecese cuaya nuna xalea.

Decocción: una cuyarada de postre por taza. Ferver 5 minutos, dos o tres taces al día.

Pa combatir la tos: Fiérvese una toma de regalicia mientres media hora en 1 L d'agua, cólase y ponse de nuevu al fueu, añader 5 g de mofu y déxase ferver 5 minutos más.

Pal estriñimientu crónicu: Ponse a remueyu (agua frío) media toma de mofu cortáu en trozos. Poner a ferver 15 g de cirueles en 1 llitru d'agua mientres 15 minutos, quítense-y los güesos y les pieles y la magaya fecha papiella ponse al fueu con 2 ó 3 cuyaraes de miel y el mofu a remueyu hasta consiguir una xalea clara. Tomar una bona taza enantes d'echase o dempués de les comíes si nun ye abondu.

Enllaces esternos

• Wikimedia Commons acueye conteníu multimedia sobre Chondrus crispus.

• Museum of London - Caribbean London - Catalogue
• Summers, Adam (July 2006). «Keep Me Hanging On : Surviving in the intertidal zone tests the rubbery limits of algae». Natural History 115 (6):  páxs. 26-27. Archivado del original el 2007-09-27. https://web.archive.org/web/20070927174034/http://naturalhistorymag.com/0706/0706_biomechanics.html. Consultáu'l 2015-10-28. 
• Seaweed Site
• AlgaeBase
• Marine Life Information Network Archiváu 2010-08-19 en Wayback Machine
• Innovations
• Rhode Island (enllaz rotu disponible n'Internet Archive; ver l'historial y la última versión).
• Industria irlandés de mofos de Prince Edward Island[1]

Bibliografía

• wikipecies(n'inglés)

• Flora y fauna en asturnatura
• Vanaclocha B, Cañigueral S. Vademecum de prescripción. Barcelona: Elsevier-Masson; 2003 [2] que la so información actualizada alcuéntrase en [http://www.fitoterapia.net

• Páxina de portalfarma

• Muséu de Londres - Caribbean London - Catálogu

• Marine Life Information Network Archiváu 2010-08-19 en Wayback Machine

• Datos: Q4963539
• Multimedia: Chondrus crispus
• Especies: Chondrus crispus