Ainu (etnia)
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Los ainus (pallabra que significa "humanu" n'ainu) son un grupu étnicu indíxena en Hokkaido y el norte de Honshu, na fastera septentrional de Xapón, asina como nes Islles Kuriles y la metá meridional de la Islla de Sakhalin. Son tamién conocíos como Ezo o Yezo (蝦夷) en xaponés antiguu, y como Utari (pallabra que significa "camarada" n'idioma ainu) que ye como anguaño prefieren ser nomaos. Hay unos 150.000 xaponeses descendientes d'esta etnia, y cuasi 50.000 ainus con dalgún de sos padres o dambos pertenecientes a ella, anque nun se conoz el númberu exactu yá que munchos ainus sumen el so oríxe o incluso lu desconocen porque los sos padres yos lo ocultaron pa protexelos del racismu.
 | |
| Tipu | etnia |
|---|---|
| Llingua | Llingua ainu |
| Epónimu |
humanu y Aioina (es)  |
| Xeografía | |
| Estáu | Xapón y Rusia |
 | |
Historia
editarD'oríxenes perantiguos, a los ainus rellaciónaselos cola espansión de los primeros pobladores d'Asia y colos pueblos de Siberia, y especialmente colos Nivekhí o Nivkhi de Sakhalin y los Coriacos o Koryak de Kamchatka, que falen llingües paleosiberianes.
Paecen ser los primeros pobladores de Xapón, siendo desplazaos por poblaciones mongoloides veníes del continente nel primer mileniu de la era común, quedando los ainus arrequexaos na parte septentrional del archipiélagu.
Relixón y lleendes
editarLos ainus tienen creyencies animistes, según les que too na natura tien un "kamui" (espíritu divín). Hai una xerarquía de "kamuis". El "kamui" más importante ye la güela tierra (el fueu), dempués tán los "kamuis" de los montes (animales terrestres) y los del mar (animales marinos) y finalmente tolo demás. Nun tienen sacerdotes o chamanes con dedicación esclusiva. El xefe de l'aldea dirixe les ceremonies relixoses: llibación del vinu, rezos en voz baxa y la ofrenda de paliyos de salgueru con virutes de madera pegaes. Estos paliyos llámense "inau" (singular) y "nusa" (plural), y asítiense nun altar qu'utilicen pa ofrendar les cabeces de los animales sacrificaos. Creyen que los sos espíritus son inmortales y que sedrán recompensaos dempués de la muerte col ascensu a Kamui mosir (La tierra de los Dioses) o castigaos nel infiernu.
Dellos ainus del Norte son miembros de la Ilesia ortodoxa.
La so vistimienta tradicional ye una capa texía con filo sacao de la corteza de la llamera.
Referencies
editarEnllaces esternos
editar
Wikimedia Commons acueye conteníu multimedia sobre Ainu.
