ويكيبيديا:افترض حسن النيه
المظهر
افتراض حسن النيه مبدأ أساسى ف ويكيبيديا. الاساس ان فى الاغلب كل يوزر بيحاول يساعد فى بنا و تحسين ويكيبيديا.
- احترم زملائك الويكيبيديين لحد لما تكون مختلف معاهم و طبق آداب ويكيبيديا, ما تدخلش فى هجوم شخصى مع حد. دور على النقاط اللى بتجمع مابينكم, و ما تدخلش فى حرب تحرير, و ما تعطلش ويكيبيديا عشان توضيح نقطه او جهة نظرك, اتصرف بحسن نيه و افترضها بغيرك, عامل اللى جايين جديد بترحيب و احترام, فى حالة الخلافات ناقشها بهدوء على صفحات النقاش المناسبه و التزم باجراءات حل النزاعات, افتكر ان فيه 1,624,402 مقاله تانيه على ويكيبيديا مصرى عشان تشارك فى تحسينها و مناقشتها.
- حاول دايما تشرح سبب تعديلاتك وبالذات سبب استرجعاتك لتعديلات واحد من اليوزرات التانيين.