هولوكوست

هولوكوست
هولوكوست
ابادة الشعوب ، وجريمه ضد البشريه ، وتفرقه عنصريه
ابادة الشعوب
جزء من	معاداة الساميه
جنب من	معاداة الساميه ، وتفرقه عنصريه
	تعديل

الهولوكوست (من اليونانى الكلاسيكى ὁλόκαυστος هولوكاوستوس; لفظ من كلمتين ὅλος هولوس "الكل" و καυστός كاوستوس "حرق"; بالعبرى השואה ها-شواه "الدمار")، عمليه قتل جماعى اجراميه قام بيها نظام النازى الالمانى ضد اليهود وقت الحرب العالميه التانيه و راح ضحيتها حوالى 6 مليون يهودى رجاله و ستات و اطفال.

تفوق اليهود و تحضرهم و نجاحهم فى التجاره على مر الزمن كان بيثير دوافع الغيره و الحقد العنصرى عليهم فى المجتمعات اللى بيعيشو فيها. اليهود فى تاريخهم فى اوروبا كانو دايم مسالمين و ما اعتدوش على حد و لا حاولو يجبرو حد على اعتناق دينهم او الاخد بثقافتهم لكن رغم كده عانو عبر التاريخ من معاداة الساميه، هولوكوست النازى ما كانش اول عملية قتل جماعى تتم ضد اليهود. فى العصور الوسطى هاجم الصليبيين المجتمعات اليهوديه فى فرنسا و المانيا و ارتكبو مدابح فظيعه ضدهم سنة 1096. اتعرفت مدابح اليهود فى الراين بالهولوكوست الاولانى.

فى زمن الرايخ التالت فى المانيا خدت العمليه شكل منظم و تمت على خطوات بدات بالتشنيع و نشر الاكاذيب ضد اليهود و بعدين بطردهم من الاشغال العامه و بعد ماقامت الحرب العالميه التانيه اخدت العمليه شكل اجرامى اكتر بعمل معتقلات جماعيه و استعباد اليهود المعتقلين فيها فى اعمال شاقه ماتت بسببها اعداد كبيره من اليهود. بعد ما استولى النازيين على شرق اوروبا كونو وحدات خاصه اسمها اينساتزجروبين Einsatzgruppen لقتل اليهود و المعارضين السياسيين بطريقه جماعيه. النازيين نقلو اليهود بقطارات البضايع بطريقه غير انسانيه لمعسكرات الاباده و هناك قتلوهم بوحشيه فى افران الغاز و اتحول نظام النازى الالمانى لدولة اباده جماعيه. معسكر اوشويتز Auschwitz فى بولندا كان من اشهر معسكرات الاباده اللى بناها النازيين .

قدر يهود انهم يهربو من الهولوكوست لبلاد تانيه زى العلما العظام سيجموند فرويد و البيرت اينشتاين و الاديب ايزاك سينجر لكن ملايين غيرهم ماقدروش يهربو.

بعد نهاية الحرب العالميه التانيه جه دور العداله فى الاقتصاص من اللى قامو بالعمليات الوحشيه الغير اخلاقيه ضد اليهود ، و اتحاكم الظباط و غيرهم اللى كانو مسئولين عن الهولوكوست اللى بكل المعايير كان جريمه بشعه ضد الانسانيه و نقطه سوده فى تاريخ البشريه.

شوف كمان

الصفحه دى فيها تقاوى مقاله عن نازيه. و انت ممكن تساعد ويكيپيديا مصرى علشان تكبرها.