فنار اسكندريه
| ||||
---|---|---|---|---|
![]() | ||||
مبنى او منشآه سابقه | ||||
البلد | اسكندرريه ![]() | |||
التقسيم الادارى | اسكندريه | |||
الارتفاع عن سطح البحر | ||||
سنة التأسيس | 279 ق.م | |||
تاريخ الدمار | 1480 | |||
الثقافه | اليونان القديمه | |||
احداثيات | 31°12′51″N 29°53′06″E / 31.214167°N 29.885°E | |||
![]() | ||||
![]() | ||||
تعديل ![]() |
![](http://upload.wikimedia.org/wikipedia/commons/thumb/9/9f/Phare_d%27Alexandrie_%28Barclay%29.jpg/220px-Phare_d%27Alexandrie_%28Barclay%29.jpg)
![](http://upload.wikimedia.org/wikipedia/commons/thumb/3/33/PHAROS2013-3000x2250.jpg/220px-PHAROS2013-3000x2250.jpg)
فنار اسكندريه ، اتعرف كمان باسم فاروس ، فنار ضخم اتبنا علا جزيرة فاروس فى مدخل المينا الشرقى بتاع اسكندريه فى مصر فى عهد بطليموس التانى ( حوالى 280 قبل الميلاد ).
تصميم فنار اسكندريه
[تعديل]الفنار كان متكون من اربع تدوار : الاول مربع، و التانى متمن، و التالت مدور فوقيه لمبه كبيره محطوطه علا تلت عواميد شايله قبه عليها تمثال ضخم بيرجح كان لاله البحور " بوسيدون ". الفنار كان طوله بتاع 120متر وكان مبنى من الحجر الجيرى و عواميده كانت جرانيت و حتت منه كات متزينه بالرخام و البرونز. فضل الفنار يؤدى وظيفته لغاية ما العرب احتلو مصر سنة 642 و اتوالت الكوارث لغاية ما اتلاشا خالص فى القرن 14 بعد زلزال كبير. فى مكانه دلوقتى قلعة قايتباى. بيحكى المقريزى ان الظاهر بيبرس بنا مكان القبه جامع اتهد لما حصل الزلزال و ان السلطان بيبرس الجاشنكير بناه تانى و انه كان موجود فى زمنه.
اساطير و خرافات عن فنار اسكندريه
[تعديل]فى العصور الوسطى بسبب ضياع المعلومات التاريخيه بقت اثار مصر ألغاز و حاجات مش مفهومه و زى ما كانت فيه قصص خياليه و اساطير عن اثار مصر كان فيه كمان اساطير عن فنار اسكندريه. المؤرخين المصريين فى العصور الوسطى كانت عندهم شوية معلومات عن العصر البطلمى و كانو عارفين ملوكه انما بطريقه مشوشه لكن بتدل على انهم كانو مطلعين اطلاع بسيط على النصوص التاريخيه اليونانيه. و المقريزى ذكر اسامى بطليموس الاول و بطليموس التانى اللى بنا الفنار صح و حكى شوية احداث صحيحه.
نظريات بنا الفنار الخرافيه كانت مختلفه ، فيه ناس قالو ان الاسكندر الاكبر هو اللى بناه ، و فيه قالو ان اللى بناه كانت دلوكه و هى ملكه خرافيه بنت الفنار و عملته مرقب يتشاف منه الاعداء الجايين يهاجمو مصر ( شوف: تاريخ مصر الخرافى ) ، و فيه رأى كان بيقول ان اللى بناه كان فرعون مصر العاشر و كان سحار اسمه " ظلما بن قومس " ، و فيه رأى قال ان اللى بناه كانت الملكه كليوباترا ، و فيه قالو ان اللى بنى روما هو اللى بنى اسكندريه و فنارها و اهراماتها و ان الاسكندر المقدونى ما عملش حاجه غير انه استولا علا مصر باللى فيها و حول الفنار لمرقب ، و ان اللى بنا الفنار بناه علا قاعده ازاز تحت ماية البحر علا شكل ابو جلمبو و حط تماثيل نحاس كان منها تمثال صباع سبابته بتاع ايده اليمين بيشاور علا الشمس و بيلف معاها حسب مكانها فى السما ، و تمثال تانى كان بيشاور بايده علا البحر لما يظهر عدو و يبئا بينه و بين بر اسكندريه مشوار ليله و لما يقرب العدو كان التمثال بيصوت صوات بيتسمع من مسافة ميلين و لا تلاته فيعرف الاسكندرانيه ان العدو قرب. و تمثال تالت كان بيطلع اصوات جميله بتتغير حسب الساعه.
فيه قصه خرافيه بتقول ان الفنار كان فوقيه مرايه قطرها خمس اشبار كانت بتستعمل فى حرق مراكب الاعادى فى البحر عن طريق عكس الشعاع عليها ، و ان كان فوقيه مرايه تانيه زى التلسكوب بتراقب المراكب البعيده فى البحر ، و فيه زودو و قالو ان المرايه دى كانت تخلى الواحد يقدر يشوف لغاية قسطنطينيه.
فنار اسكندريه فى الصين
[تعديل]الصين بنت نموذج جميل لفنار اسكندريه فى تشانجشا فى الصين
![](http://upload.wikimedia.org/wikipedia/commons/thumb/b/bb/Lighthouse_of_Alexandria_in_Changsha_China.jpg/220px-Lighthouse_of_Alexandria_in_Changsha_China.jpg)
شوف كمان
[تعديل]مصادر
[تعديل]- المقريزى : المواعظ و الاعتبار بذكر الخطط والآثار ، مطبعة الادب، القاهرة 1968.
- الموسوعة الثقافية ، مؤسسة فرانكلين للطباعة والنشر، القاهرة - نيو يورك 1972