سوبيك او سوبك ، بالسان المصرى : سيبك لعدم وجود الواو بعد علامة السين ( سيبك منه يافك التمساح ) و باليونانى: سوخوس ، كان الاله التمساح فى مصر القديمه. مركز عبادته الرئيسى كان فى الفيوم و فى المعابد بتاعته كانو بيربو تماسيح صاحيه بيقولو عليها بيتسوخوس يعنى ابناء الاله سوخوس و كانو بيؤمنو ان الاله سوبك بيتجسد فيهم.بيعتقد ان سوبك كان فى الاصل الاه للخصوبه و كان ليه دور فى الموت و عمليات الدفن. فى ايام المملكه الوسطانيه ، انتشرت عبادته و بقى واحد من الالهه الرئيسيه و بقى حامى للملوك المصريين القدام.اتحد بعد كدا فى صفاته من الاله رع و بقى اسمهم سوا سوبيك-رع و بقى بيمثل صوره من صور الاله رع فى شكل تمساح.
عبادة الاله سوبيك تنتها مستمره لفتره طويله جدا فى مصر لحد العصر البطلمى و حتى الرومانى كمان خصوصا فى الفيوم و كوم امبو و فى الحتتين دول بالذات اتلقت مومياوات متحنطه للتماسيح اكتر من اى حته تانيه فى مصر.
