حرب الخليج التانيه
حرب الخليج التانيه | |||||||
---|---|---|---|---|---|---|---|
![]() | |||||||
|
|||||||
تعديل ![]() |
![](http://upload.wikimedia.org/wikipedia/commons/thumb/0/08/Various_Arabic_Troops_during_Operation_Desert_Storm.jpg/220px-Various_Arabic_Troops_during_Operation_Desert_Storm.jpg)
حرب الخليج ، ده حرب العراق و الكويت و اللى بتتسمى حرب الخليج التانيه بدات لما هاجمت قوات صدام حسين الكويت فى يوم 2 اغسطس 1990 .
و بدا يطالب دول الخليج بانها تتفاوض معاه من تانى فى مسالة الديون اللى على العراق من ايام حربه معايران و طالبهم انهم يلغو الديون اللى على العراق و طالب صدام دول الخليج بمبلغ عشره مليار دولار نتيجه للى سماه بان كان فى حربه مع ايران كان بيدافع عن البوابه الشرقيه للخليج (مع ان اسباب حربه مع ايران معروفه من وقت مابتدا يحاربها). و فضل صدام يزود حملاته على الكويت و اتهمها بانها بتنقب عن البترول فى حقل الرميله بدون تصريح من العراق (حقل الرميله فى منطقه حدوديه مشتركه بين العراق و الكويت و اسمه فى الكويت حقل الرتقه) .
- وزاد تازيم الموقف جدا من ناحية صدام بشكل ياكد انه عايز يعمل ازمه مع الكويت لحد لما احتل الكويت بالفعل فى 2 اغسطس 90[عايز مصدر ]
وبعد دخول قوات صدام حسين للكويت دعت الكويت و امريكا مجلس الامن انه يجتمع اجتماع عاجل و اجتمع و ادان احتلال الكويت طالب صدام بالانسحاب و خد القرار رقم 660.
- يوم 3 اغسطس اجتمعت جامعة الدول العربيه لنفس السبب .
- يوم 6 اغسطس اجتمع مجلس الامن تانى و قرر عقوبات اقتصاديه على العراق .
- صدام حاول من فى الپروباجاندا الاعلاميه يجيب اسباب وطنيه لاحتلال الكويت مش اسباب اقتصاديه اللى هيا سبب احتلال الكويت اساسا و ده من فى الكلام ان الكويت جزء من العراق و ان الاستعمار (الامبيرياليه كان بيتم استخدامها فى كتير من الدكتاتوريات فى الشرق الاوسط لتمرير قرارات معينه على الشعوب).
-غير كده و مع تطور الازمه حاول صدام انه يجيب علاقه بين احتلاله الكويت و بين ان ده خطوه لحرب اسرائيل و ده من فى انه باحتلال الكويت و توحيد الدول هيساعد على تكوين جيش قوى ( خصوصا مع الاقتصاد القوى للكويت ) عشان مواجهة اسرائيل (و من المفارقات العجيبه و الغريبه ان ايران برضه - من بعد لما حصل الانقلاب على الشاه و قامت فيها الجمهوريه الاسلاميه بتركز البروباجاندا الاعلاميه ليها بشكل اساسى على انها عاوزه تحارب اسرائيل , وده بالرغم من ان حرب العراق مع ايران و اللى بتعتبر من اطول الحروب فى القرن العشرين).
بالرغم من الاستنكارات و المناشدات الدوليه لصدام انه ينسحب من الكويت الا انه رفض سحب قواته من الكويت ده غير تهديده بدخول دول تانيه و كان من اكتر الدول اللى خايفه من ان صدام يهاجمها السعوديه و عشان كده تمت اجراءات سريعه لتكوين قوى تحالف دولى لتحرير الكويت و مواجهة خطر صدام وفعلا حصل تحالف دولى معروفه باسم قوات التحالف فى حرب الخليج التانيه . انقسمت اراء الدول فى جامعة الدول العربيه على قرار المشاركه فى الحرب بين دول موافقه على الحرب زى مصر و السعوديه و الامارات و الكويت و دول إتحفظت زى الجزاير و تونس و دول رفضت القرار زى اليمن و ليبيا و سوريا. لما الدول المتحالفه بدات تجهز للحرب حب صدام انه يجر اسرائيل للحرب و ده بان ضرب على اسرائيل صواريخ Scud ارض ارض وده ممكن يححق ليه مصالح. - بحيث ممكن يعمل انقسام فى التحالف - فلما الدول المتحالفه تلاقى اسرائيل دخلت التحالف فيه دول كتير هتغير موقفها من التحالف لانها هيخليها متحالفه مع اسرائيل و بالزات الدول اللى اعضاء فى جامعة الدول العربيه. ان لو اسرائيل دخلت الحرب مع دول التحالف لحد بعيد عن دور الحكومات و قراراتها بالنسبه لموضوع التحالف ده هيخلى اسهم صدام تعلى جدا فى الشارع العربى و ده هيحرج جدا حكومات كتير من دول الخليج و دول الاعضاء فى جامعة الدول العربيه و ممكن تحصل فوضى فى كتير من الدول الاعضاء فى جامعة الدول العربيه لو بقت اسرائيل حزء من التحالف الدولى و ده مكن احسن حاجه ممكن تحصل بالنسبه لصدام لانها هتشتت الاهتمام بالحرب على العراق بسبب الصراعات اللى ممكن تحصل جوا الدول الاعضاء فى جامعة الدول العربيه فمش ممكن هتنضم للتحالف اذا كان هيسبب فوضى اكيده جواها , و اذا الدول الاعضاء فى جامعة الدول العربيه انسحبت من التحالف (بفرض دخول اسرائيل) فده هيخلى الحرب على العراق مستحيله لاسباب كتير زى. ان الدول المتحالفه كانت عامله ليها قواعد عسكريه فى دول خليجيه قريبه من العراق - فلو الدول اعضاء الجامعه العربيه انسحبت هيخلى الهجوم على العراق من قواعد بعيده جدا على العراق فالوضع ده هيسمح بس بكام ضربه جويه او صاروخيه ضد شوية اهداف فى العراق انما لايمكن حرب بريه او اقتحام ضد العراق . ان لو الدول الاعضاء فى جامعة الدول العربيه لو انسحبت من التحالف مش هيبقى فى التحالف غير امريكا و بريطانيا و الدول الاجنبيه و ده هيخلى حكومات الدول المتحالفه فى موقف محرج جدا قدام شعوبهم لانه هبين ان الدول المتحالفه داخله فى حرب بالوكاله (بالنيابه عن الدول المعنيه اصلا بالحرب - بقية دول الخليج - و ده معناه ان الدول الغربيه هتضحى بجنودها فى حرب الدول المعنيه بيها اصلا مادخلتهاش), و الوضع ده كان هيخلى دخول امريكا فى الحرب من شبه المستحيلات لان الاداره الامريكيه -ادارة الرئيس بوش الاب وقتها- عملت جهود كبيره جدا عشان الشعب الامريكى باهمية مواجهة صدام و تحرير الكويت و كان ده من فى حملات كتير مولتها سفارة الكويت.
- وضاف وقتها صدام حسين كلمة الله اكبر على العلم العراقى عشان يدى للحرب بعد دينى و ده ممكن ياثر على كتير من المواطنين فى دول الخليج و الشرق الاوسط و بالاخص ان وقتها كان بيحاول صدام انه يبرر حربه على الكويت مقدمه لحرب على اسرائيل و فالبعد الدينى للحرب هيضمن ليه تعاطف كبير بين المواطنين ف دول الخليج و دول اعضاء جامعة الدول العربيه, و كإن ايديولوجية صدام حسين و حزب البعث اتحولت من الفكر اليسارى الى اقصى اليمين.
- الا ان محاولة صدام ان يجر اسرائيل للحرب فشلت لان اسرائيل مابلعتش الطعم و ماردتش على الصواريخ اللى ضرب بيها صدام اسرائيل.
لينكات برانى
- Gulf War Discussion from the Dean Peter Krogh Foreign Affairs Digital Archives
- Historical Context from the Dean Peter Krogh Foreign Affairs Digital Archives
- CBC Digital Archives – The 1991 Gulf War
- Master Index of Desert Storm Oral History Interviews Archived 2010-12-31 at the Wayback Machine by the United States Army Center of Military History