لمرابطين
لمرابطين
| ||||
| ||||
![]() | ||||
راية ديال لمرابطين
| ||||
نشيد | لا قيمة
[[فيشي:|100px]] | |||
لعاصيمة | مراكش | |||
الساكينة | ||||
السمية ديال السكان | لمغاربة | |||
اللوغات الرسمية | لوغات أمازيغية | |||
تاريخ | ||||
توارخ مهمة | معركة الزلاقة | |||
لإدارة | ||||
نضام الدولة | ملكية | |||
لقتيصاد | ||||
لفلوس | دينار |
لمرابطين ؤلا إمورابظن (ب لأمازيغية : ⵉⵎⵕⴰⴱⴹⵏ) هي طاسيلة أمازيغية صنهاجية حكمات لمغريب ؤ أسسات ليمبراطورية لمرابطية، بانت من واحد لحركة اصلاحية اسلامية لي رجعات تجمع بين لقبايل صنهاجية لي غاتولي تسيطر علا طرقان تيجارية، ؤ لي غتبدا كاتوسع جيهة شمال، حتا ولات من ليمبراطوريات لكبار لي دازو ف تاريخ لمغريب لي كانت كتحكم من لمملكة د قشتالة ف شمال تا لواد سنيڭال ف لجنوب ؤ من لمحيط لأطلسي ف لغرب تا لجزاير لعاصيمة ف شرق ؤ ف صحرا لكبرى. من بين أشهر زوعما ديال لمرابطيا هو يوسف بن تاشفين لي غا يأسس مراكش ؤ يرجعها عاصمة بلاصت أغمات.
تاريخ د لمغريب |
---|
![]() |
قيسارية:لمغريب |
لأصل ديال لمرابطين من قبيلة لمتونا لأمازيغية اللي تابعة لصنهاجا. قدرو أنهم يوحدو لمغريب من بعد ما كان مقسم بين شحال من إمارة فتالي ديال لقرن عشرة، خصوصا فاش قضاو على لإمارة ديال سجلماسة وبرغواطة (تامسنا).
تأسسات دولة د لمرابطين بعد 119 عام ورا ما طاحت دولة د لأدارسة، بضبط عام 1036 م على يد عبد الله بن ياسين، و دارت مراكش عاصمة ديالها، ونجحات تسيطر على بورغواطة، هاد دولة عرفات أحسن وقت ليها على يد يوسف بن تاشفين، و ماطاحتش تا لعام 1143 م على يد لموحدين.
![](http://upload.wikimedia.org/wikipedia/commons/thumb/f/f9/Depiction_of_Abu_Bakr_ibn_Umar_al-Lamtuni_%28Catalan_Atlas%29_%281%29.jpg/220px-Depiction_of_Abu_Bakr_ibn_Umar_al-Lamtuni_%28Catalan_Atlas%29_%281%29.jpg)
![](http://upload.wikimedia.org/wikipedia/commons/thumb/3/3d/Map_Almoravid_empire-ar.svg/346px-Map_Almoravid_empire-ar.svg.png)
من ورا ما طاح لحوكم ديال لأدارسة، ومن عام 1060، بداو سلالات أمازيغية تايحكمو لمغريب، أول وحدة كانت هي دولة ديال لمرابطين لي لأصل ديالها من قبيلة لمتونة من صنهاجة. دولة د لمرابطين نجحات توحد لمغريب، ؤ توسعات ف لأندلوس ؤ لمغريب دابا، ؤ توسعات تا على شي بلايص من موريطانيا ومالي ولجزاير دابا، كيف ما كانت حاكمة طرقان ولمدون ديال تجارة ديك لوقت.
لفترة د لحوكم ديال يوسف بن تاشفين، دعاو لأمراء ديال الطائفة المسلمة ف لأندلس لمرابطين باش إدافعو على لأراضي ديالهم من لمسيحيين، بعد ما تدخول لمرابطين عام 1086، حافظو على لأندلوس بعد ما كانت قريبة طيح، ؤ ف عام 1090 رجع يوسف بن تاشفين ل لأندلوس ؤ ضمها للدولة د لمرابطين.[1] بدات لقوة د لمرابطين كاتنقص من نص للول ديال لقرن طناش، حيث ضعافت دولة من بعد ما خسرو ف معركة أوريك. بعد ما دخلو لموحدين لمراكش عام1147، طاحت دولة لمرابطية، لكن واخا هاكاك، بقا لبعض منهم تايناضل، بحال (بنو غانية).
يوسف بن تاشفين، سميتو كاملة هي أبو يعقوب يوسف بن تاشفين بن إبراهيم اللمتوني الصنهاجي، تزاد عام 1009 و خدا لحكم عام 1065، و مات عام 1106 فمراكش و تدفن فيها، هو واحد من لحكام ديال دولة لمرابطية من أصل أمازيغي، (قبيلة لمثونة)، تلقب بأمير المؤمنين وناصر الدين، مراتو هي زينب نفزاوية، ؤ ولادو هوما علي بن يوسف بن تاشفين وتميمة بنت يوسف بن تاشفين.[2]
- ^ Maxime RODINSON, « ALMORAVIDES », Encyclopædia Universalis [en ligne], consulté le 23 octobre 2014. URL : http://www.universalis.fr/encyclopedie/almoravides/
- ^ أحمد معطلا (2004). فضاء الاجتماعيات. مطبعة المعارف الجديدة.
![]() |
تقدر تزيد شوف بزاف د تّصاور و لمعلومات ديال Almoravid dynasty ف ويكيميديا كومنز. |