عوام 0
![](http://upload.wikimedia.org/wikipedia/commons/thumb/e/e7/World_in_1_CE.png/550px-World_in_1_CE.png)
ألفيات |
---|
لألفية 1 |
قرون |
عقود |
عوام |
تصنيفات: |
زيادة – وفيات تأسيسات – نحيلالات |
عوام 0 ؤلا عقد 0 هوّ عقد ديال الزمان بدا ف 1 يناير عام 1 و سالا ف 31 دجنبر عام 9. هاد لعقد ماشي عقد د بصّح (10 سنين) حيت فيه غير 9 سنين، حيت التقويم كيبدا ب عام 1 ماشي ب عام 0.
ف هاد لفترة كانت لإمبراطورية الرومانية مسيطرة على جميع مناطق لبحر الشامي، من غير مملكة موريطانية لي كانت ولّات مملكة كليان تابعة ليها، ولاكين عندها شوية د الستيقلالية. ف عام 2 ميلادية لماليك يوبا لموريطاني مشا معا ڭايوس قيصر ف حملة عسكارية ل أرمينيا، و تمّاك تلاقى معا مراتو التانية ڭلافيرا.[1] الرومان كانو ف حرب معا لقبايل د الجرمان (ألمانيا دابا) باش يسيطرو على لمناطق ديالهوم، و ف شتنبر عام 9 خسرو قدّام لقايد الجرماني أرمينيوس ف معراكة غابة تويطوبورڭ.
ف كوريا كانت ناضت حرب مابين جوج ممالك بوييو الشرقية و ڭوڭورييو لي حبسات ملي تراجع الجيش اللولاني بسباب سوء الطقس. ف الشينوا لماليك اللخراني ديال سلالة هان لغربية تّعزل من لمنصب ديالو، و طلع وانڭ مانڭ لي أسس سلالة شين.
لأعمال لأدابية ديال داك لوقت، لي بقاو علّاقل أجزاء منهوم تال ليوم، كانلقاو منهوم قصايد ديال الشاعر الروماني ؤڤيديوس و كتاب "تاريخ لعالم" ديال نيكولاوس الدمشقي من 15 ڭزو.
عدد لبشري ف لعالم ف عوام 0 كيتقدر مابين 150 و 300 مليون بنادم. ف عام 2 ميلادية، الشناوا دارو إحصاء ل السكان ديالهوم عطا علاين 60 مليون شينوي ف داك لوقت، و 12 مليون أسرة.
وخا التوارخيا لمسيحيين كانو كتبو بلي يسوع تّولد ف 1 ميلادية (لبدية ديال التقويم لميلادي ف لأساس)، التوارخيا ليوم كيڭولو بلي لمسيح غالبا تّولد قبل شوية (مابين 4 و 1 قبل لميلاد).
مقالات د لعقد د 0:
- ^ Roller، Duane W (2003). The World of Juba II and Kleopatra Selene. New York: Routledge.
![]() هادي زريعة ديال مقالة خاصها تّوسع. تقدر تشارك ف لكتبة ديالها. |