عبد الفتاح السيسي

عبد الفتاح سعيد حسين خليل السيسي هو الرئيس السادس ديال مصر، من 2014 تال دابا. و كان تا جينيرال، وزير ديال الدفاع، مدير لمخابرات لعسكرية، و بين 10 فبراير 2019 و 10 فبراير 2020، رئيس لإتحاد لإفريقي.

خلاق السيسي ف لقاهرة، و موراها دخال ل لجيش لمصري. ف 1992، السيسي خدم لتراينينݣ ف واتشفيلد، ف لمملكة لمتحدة، و بعد ف 2006 عاوتاني ف كارليل ف لميريكان. السيسي رجع مدير دلمخابرات لعسكرية، و بعد التورة ف 2011، ولا الرئيس جديد سميتو محمد مرسي و حط السيسي وزير الدفاع الجديد ف 2012.

السيسي كان دار واحد لينقيلاب لعسكري ف 2013 ونجح فيه و حيد مرسي من الرئاسة. و ف 2014 السيسي رجع رئيس د مصر بعد لينتخابات، لي نجح فيهم ب 97% ديال لأصوات.

السيسي و لجيش لمصري عندهم لحكم شوية دكتاتوري ف مصر. و هادشي بان أول مرا فلإنتخابات لولانية ديالتو لي كان واحد العدد ديال أصوات ليه ماشي معقولة، و من بعد النضام بدا يخدم بزاف ديال التعديب لجسدي، لإختطافات و قمع حرية تعبير مع أي واحد نتاقد لحوكومة و ماكانش مؤيد ل الرئيس. و لإنتخابات الرئاسية لي تدارت ف 2018 نجح فيها ل تاني مرة الرئيس سيسي.

تقدر تزيد شوف بزاف د تّصاور و لمعلومات ديال Abdel Fattah el-Sisi ف ويكيميديا كومنز.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.