دونالد طرامپ
دونالد جون طرامپ (بلينݣليزية: Donald John Trump) (تولد ف 14 يونيو 1946) هو بيزنيسمان و سياسي ميريكاني. كان هو الرئيس نمرة خمسة و ربعين ديال لميريكان، و حكم فيها من 2017 حتال 2021. قبل ما يدخل طرامپ للسياسة، كان خدام رجل أعمال وشخصية ديال التلفازة.
تولد دونالد طرامپ وكبر ف نيو يورك، وكان باه تا هو رجل أعمال. ف 1971, غادي يعطيه باه لمسؤولية ديال الشركات ديالو، اللي غادي يسميها دونالد "لمنظمة د طرامپ". غادي تبدا لمنظمة تبني ناطحات السحاب ولوطيلات ولكازينويات والتيرانات د لݣولف. بهاد الاستثمارات كاملة، أيولي طرامپ رجل أعمال عندو بزاف د لفلوس. ف 2019، قدًرات فوربس الثروة ديالو ب 3.1 مليار دولار.[1]
دخل طرامپ للسياسة ف 2016 مع لحزب لجمهوري، وترشح باش يولي رئيس د لميريكان. ربح نيشان من الدقة اللًولا ف 8 نونبر 2016. بزاف د الناس تيعتابرو لإيديولوجيا ديالو باللي هي شعبوية وحمائية.[2]
وطرامپ كان واحد الرئيس مثير للجدل، لكن بزاف ديال الناس كيشوفو أنه شخص صريح بزاف[3] وواضح ف تعاملو مع المشاكل اللي كاينين ف العالم.
عاد زيد أن ترامب هو الرئيس الميريكاني اللول ف التاريخ اللي كيعترف بلي الصحرا هي مغربية، وقرر باش يفتح قنصلية ديال ميريكان ف مدينة الداخلة ف الجنوب ديال المغريب[4]
- ^ ""فوربس" تكشف ثروة ترامب". مأرشيڤي من لأصل ف 12 أكتوبر 2023.
- ^ "هل شعبوية ترامب بداية عصر جديد من الديمقراطية؟".
- ^ "أميركا طالما رعت بطش الحكام.. الجديد هو "صراحة" ترامب". الجزيرة نت (ب لعربية). تطّالع عليه ب تاريخ 2024-08-27.
- ^ "بعد اعتراف بـ"مغربية" الصحراء.. ترامب: اتفاق تطبيع بين المغرب وإسرائيل". CNN Arabic (ب لعربية). 2020-12-10. تطّالع عليه ب تاريخ 2024-08-27.
تقدر تزيد شوف بزاف د تّصاور و لمعلومات ديال دونالد طرامپ ف ويكيميديا كومنز.
![]() هادي زريعة ديال مقالة خاصها تّوسع. تقدر تشارك ف لكتبة ديالها. |