العبودية ف المغرب
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
![](http://upload.wikimedia.org/wikipedia/commons/thumb/6/6f/Mulay_Ismail.jpg/220px-Mulay_Ismail.jpg)
![](http://upload.wikimedia.org/wikipedia/commons/thumb/5/55/Arabslavers.jpg/220px-Arabslavers.jpg)
العبودية ولا الرق تواجدو ف المغرب مند العصور القديمة. المغرب كان مركز ديال طريق تجارة العبيد لي دايزة من الصحرا ديال أفارقة كوحل تستعبد من إفريقيا جنوب الصحرا، و كان المغرب حتى هو مركز تجارة العبيد المغربية لأورپيين (المراجع الغربية كيسميوها تجارة العبيد البربرية) المخطوفين من قراصنة الجهاد البحري (المراجع الغربية كيسميوهم قرصنة البربر). تلغات العبودية ف المغرب ف القرن 20.
ما بين القرن 7 حتى أوائل القرن 20، المغرب كان مركز طريق تجارة العبيد ديال أفارقة كوحل لي دايزة من الصحرا، من تونبوكتو لسوق العبيد ف مراكش، من تما كانو ينقلوهم لباقي المغرب و العالم المتوسطي كامل.[1]
كتر من 28 مليون جنوب افريقي تستعبد ف شمال افريقيا طويلة فترة تجارة العبيد لي دايزة على الصحرا.
ما بين القرن 16 حتى أوائل القرن 19، كان المغرب مركز تجارة العبيد المغربية لأورپيين المخطوفين من قراصنة الجهاد البحري ف لموحيط لأطلاسي و البحر البيض المتوسط.
على حساب روبرت داڤيس، ما بين 1 و 1.25 مليون أورپي تختاطفو من قراصنة الجهاد البحري و تباعو عبيد ما بين القرن 16 و 19.[2]
العبدات النسا كانو غالبا يكونو إما خدامات ف البيوت، ولا عشيقات ( عبدات للجنس).
العبيدالرجال كانو يخدمو عمال، مخصيين، ولا جنود.
أشهرهم عبيد البخاري، هما حرس تسماو هكدا حيتاش قراو و حلفو للسلطان سماعيل بن شريف (حكم 1672-1727) على كتاب الإمام محمد البخاري، لدرجة عطاهم نسخة من الكتاب.[3]
حرس عبيد البخاري تحيد ف 1912.
العمال العبيد كانو تستخدمو ف بناية قصبة مولاي اسماعيل.
تجارة العبيد الأورپيين كملات مورا الحروب المريكانية ف ساحل البحر المتوسط ف القرن 19.
تجارة العبيد لي دايزة من الصحرا ديال الأفارقة كملات على يد سلطات الاحتلال الفرنسية عام 1923، و لكن بقات العبودية ف حد ذاتها لفترة طويلة ف القرن العشرين.[1]
منين خدا المغرب ستقلالو عام 1956، العبودية بقات متخصصة غير ف حريم القصر الملكي.[1] الحريم الملكي التقليدي بقى ف فترة حكم الملك لحسن التاني (1961-1999): الحريم الملكي كان فيه ربعين عشيقة (لي على حساب الشرع الإسلامي كانو عبدات بحكم التعريف) و زايد ربعين عشيقات لي الملك ورتهم على باه؛ زايدين على العشيقات لي كانو يخدمو بحال خدمات ف الحريم الملكي، كانو عبيد رجال خدامين خدايم خرة بحال شوافر ف القصر الملكي.[4] عبيد القصر الملكي جاو من جدودهم لي تستعبدو و تورتو ف القصر الملكي.[4] الحريم الملكي تحيد منين وصل محمد السادس للعرش عام 1999.[4]
- ^ a b c Zahra Babar: Mobility and Forced Displacement in the Middle East, p. 169
- ^ R. Davis (2003). Christian Slaves, Muslim Masters: White Slavery in the Mediterranean, The Barbary Coast, and Italy, 1500-1800. Palgrave Macmillan UK. ص. https://news.osu.edu/when-europeans-were-slaves--research-suggests-white-slavery-was-much-more-common-than-previously-believed/[page needed]. ردمك 978-1-4039-4551-8.
- ^ El Hamel، Chouki (2010). "The Register of the Slaves of Sultan Mawlay Isma'il of Morocco at the Turn of the Eighteenth Century". Journal of African History. 51: 89–98. doi:10.1017/s0021853710000186 – على طريق Cambridge University Press. Unknown parameter
|s2cid=
ignored (معاونة) - ^ a b c Marvine Howe: Morocco: The Islamist Awakening and Other Challenges, p. 5-6