أميريكا
![](http://upload.wikimedia.org/wikipedia/commons/thumb/c/ca/Americas_%28orthographic_projection%29.svg/220px-Americas_%28orthographic_projection%29.svg.png)
لأراضي ديال أميريكا
أميريكا، اللي معروفة تا ب"لعالم الجديد" هي الطرف ديال لأرض اللي كيجمع ما بين أمريكا الشمالية و أمريكا لجنوبية. شحال هادي، كانت أميريكا محسوبة قارة وحدا، ولكن دابا الشمال و لوسط قارة بوحدهم، و لجنوب تا هو قارّة. لأراضي ديال أميريكا واخدة 8% من لمساحة د لكرة لأرضية، و 24.8% من ݣاع لمساحات اللي هوما أرض (و ماشي بحر).[1]
أميريكا فيها طبيعة مبدلة بزّاف، بحال التلج و التوندرا، الصحرا، الجبال (الروكيز، لأنديز)، لوديان لكبار (أمازون، ميسيسيپي) و لغابات لإستوائية. ما كاينش تاريخ معروف بالضبط ديال وقتاش بنادم سكن أول مرّة ف أميريكا، و لكن التقديرات تاتقول باللي أول سكان أميريكا جاو من آسيا (و دازو على آلاسكا) ما بين هادي 42.000 و 17.000 عام. أوّل أوروپيين سكنو فأمريكا كانو هوما النرويجيين اللي جاو مع لييف إيريكسون، و لكن ما كانوش ساكنين ديما تمّا. أمّا أوّل أوروپيين ستوطنو أميريكان و بقاو فيها هوما الناس اللي جاو مع كريسطوف كولومبوس.
تيسكنو ف أميريكا كلها تقريبا مليار ديال الناس، مفرّقين ما بين 35 بلاد. لبلدان التلاتة اللوالا اللي فيها الناس بزاف هي لميريكان، لبريزيل و لمكسيك، اللي بتلاتة ساكنين فيهم 2/3 ديال السكان د أميريكا. كاين بزاف د لمدن كبار ف أميريكا منها: نيو يورك، ميكسيكو، ساو پاولو، لوس أنجليس، بوينوس آيريس، ريو دي جانيرو.
- ^ "Britannica, Americas". مأرشيڤي من لأصل ف 2023-10-13. تطّالع عليه ب تاريخ 2022-11-27.
![]() |
تقدر تزيد شوف بزاف د تّصاور و لمعلومات ديال Americas ف ويكيميديا كومنز. |
![]() هادي زريعة ديال مقالة خاصها تّوسع. تقدر تشارك ف لكتبة ديالها. |