فيلم جريمة
فيلم جريمة هو نوع فنّي د لأفلام مأنسپيري من التعاويد د لجريمة لي ف لأدب. لأفلام ديال هاد النوع عوموما كتشمل بزاف د لجوانيب ف لجريمة، يقدر يتخلط معا أنواع اخرى، بحال الدراما، لآكشن، لكوميديا، و براسو كيحتاوي على بزاف د لأنواع لفرعية بحال لغوموض و نيو نوار.
التعريف د هاد النوع
بدلفيلم د لجريمة هو قاعيدة كبيرة ديال لأفلام د التعاويد لي كتكون لجريمة فيها عونصور مركازي ف لحيبكات ديالهم. أفلام د لجريمة غاليبا مبنية على أحدات واقيعيّة مقتبسة من مسرحيات ولا ريوايات، ولا معاودة د شي فيلم فات. شي حيبكات بعض لمرات كيكونو أوريجينال و من وحي لخايال. أفلام د لجريمة كاتدور على لاكتيفيتي ديال لموجريم، غاليبا كاتدور على لموجريم ب راسو، كتبين الطّلوع و لهبوط ديالو. شي حيبكات ف أفلام د لجريمة كتركز على الضّحية ولا لأجهيزة لي كتقلب على لموجريم (بوليس، موخابارات...). هاد النّوع لفنّي كيميل باش يكون سريع فنقل لماشاهيد و عامر ب لغوموض، هاد لغوموض يقدر يكون جاي من لحيبكة ولا لكاراكطير. التصنيف و التعريف ديال هاد النوع د لأفلام كنوع فني كان و مازال محط لنيقاش بين النوقاد.
إكزومپلات من هاد النوع
بدل- فارݣو: بياع د الطوموبيلات عندو كريدي، عليها جاب 2 رجال يخطفو مراتو باش يقدر يجمع فلوس لفيدية.
- السكات د الخرفان: مووْضّافة د لإف بي آي ربات علاقة معا قتال موتسلسيل، دوكتور هانيبال ليكتشر، باش تقدر تخليه يعاونها ف لقبيط على قتال موتسلسيل آخر.
- ريزيرڤوار دوݣس: ݣروپ من لقتالة جمعوهم معا بعضياتهوم باش يسرقو الديامو.
أنواع فرعية
بدل- أفلام عيصابة : هو نوع فرعي ديال أفلام لجريمة لي كيركز على لجريمة لمنضمة د لمافيا، لياكوزا، لكارطيل... لحيبكة د هاد لأفلام غاليبا كاتدور على الطلوع و لهبوط ديال الشاف د لعيصابة. ستيكشاف الطبيعة التدميرية ديال لجريمة لمنضمة، فلوقيتة شي أفلام آخرين كيحاولو يبينو لإنسانية ديال لكاراكطير.
إيكزومپل : ݣوودفيلاس، سكارفايس، ذا ديپارتد
- فيلم نوار : هو ماشي ب ضبط نوع فني، و لاكين موصطالاح ب حد داتو، دراما إجرامية لي كانت شعبية فالربعينات و الخمسينات. معروف ب ستيل ڤيزويل بيض و كحل. لپروطاݣونيست كيكون غاليبا ساركاستيك. هاد النوع كيعتامد على لمعاودة و لفلاشباك و التحليل لمفصل ديال لحيبكة.
إيكزومپل : شاريع لغوروب، الصقر المالطي، ريحة النجاح لحلوة.
- جريمة-إتارة هو نوع فرعي لي كيخدم السوسپانس ف حيبكة ديال فيلم جريمة. هاد النوع ديما كيركز على شي قتال موتسلسيل، السرقة ولا لختيطاف... و على عكس أفلام د لجريمة التقليدية، لقيصة كتركز على لموجريم و لباطال. هاد نوع كيخدم لآكشن و لعاناصير د لبسيشيك باش يولد السوسپانس ف لي كيتفرج.
- فيلم سرقة : هو نوع فرعي كيدور على ݣروپ من لموجريمين لي كيحاولو ينفدو سرقة ولا سطو مسلح، و زيد لعواقيب لموحتملة لي كاتتبع السرقة. فيلم سرقة لي كتكون ب نبرة رطبة كتسمى أفلام د لكايپر .
إيكزومپل: ذا كيلين، أوشن 11، دوݣ داي آفترنوون، ريزيرڤوار دوݣس و لڤيلاج.