Radiografía
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://upload.wikimedia.org/wikipedia/commons/thumb/d/db/Projectional_radiography_components.jpg/300px-Projectional_radiography_components.jpg)
A radiografía[1] ye una tecnica d'imachen que fa servir rayos X, rayos gamma u radiación ionizant semellant y radiación no ionizant pa veyer a forma interna d'un obchecto. As aplicacions d'a radiografía incluyen a radiografía medica ("diagnostica" y "terapeutica") y la radiografía industrial. Se fan servir tecnicas semellants en a seguranza d'os aeropuertos (an os escaners corporals cheneralment fan servir rayos X de retrodispersión).
Pa creyar una imachen en radiografía convencional, un chenerador de rayos X produz un faz de rayos X y se prochecta enta l'obchecto. Una bella cantidat de rayos X u atra radiación ye absorbida per l'obchecto, dependendo d'a densidat y composición estructural de l'obchecto. Os rayos X que pasan a traviés de l'obchecto son capturaus dezaga de l'obchecto per un detector (ya sía una cinta fotografica u un detector dichital). A cheneración d'imáchens bidimensionals planas per meyo d'ista tecnica se denomina radiografía de prochección.
En a tomografía computarizada, una fuent de rayos X y os detectors asociaus chiran arredol d'o sucheto, que a la suya vegada se mueve a traviés d'o faz conico de rayos X produciu. Qualsequier punto dau adintro d'o sucheto ye trascruzau dende muitas adrezas per muitos fas diferents en diferents intes. A información sobre l'atenuación d'istos fas se recopila y se sozmete a calculo pa chenerar imáchens bidimensionals en tres planos (axial, coronal y sachital) que pueden procesar-se mas pa producir una imachen tridimensional.
Referencias
[editar | modificar o codigo]- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.