Lake Tekapo

	Lake Tekapo
	Localidat de Nueva Zelanda
	; Lake Tekapo
Estau; • Rechión; • Districto	Nueva Zelanda; Canterbury; Mackenzie
Población; • Total	; 558 hab. (2018)
Coordenadas	44°00′″S 170°29′″E
	Lake Tekapo Lake Tekapo en Nueva Zelanda

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lake Tekapo ye una chicota localidat situada a o sud d'o laco Tekapo en l'interior d'a Isla d'o Sud de Nueva Zelanda. Teneba 369 residents seguntes o censo de 2013, estando un d'os cinco lugars habitaus d'a poco habitada compleganza d'o Mackenzie.^[1]

A carretera estatal 8 trescruza a localidat de Lake Tekapo, situada a 227 km de Christchurch y 256 km de Queenstown. Bi ha servicios d'autobus diarios que conectan Lake Tekapo con Christchurch y Queenstown. O laco ye un destín turistico popular y por ixo bi ha cuantos hotels en a localidat. L'aeropuerto de Lake Tekapo se troba a 5 km a l'ueste d'o lugar. Bi existen vuelos charter operaus por l'aerolinia Air Safaris, que tien a suya base en iste aeropuerto.^[2]

Historia

Os maorís estioron os primers humans en descubrir a compleganza d'o Mackenzie. O nombre Tekapo deriva d'as parolas maorís taka (colchoneta u alfombra ta dormir) y po (nueit). A compleganza d'o Mackenzie fue descubierta por os europeus en 1855 cuan, mirando de trobar una rota menos concurrida, James Mackenzie, un pastor de uellas escocés, se fico tierra aintro y trobó as tierras que hue levan o suyo nombre. En 1857, John y Barbara Hay establioron a primera grancha de uellas en Mackenzie a cantos d'o laco Tekapo.^[3]

O lugar de Lake Tekapo prencipio a creixer dimpués d'a construcción d'as centrals hidroelectricas en a decada de 1930. O prochecto se retrasó debiu a la Segunda Guerra Mundial, encara que se remató y prencipió a funcionar en 1951.^[3] A Ilesia d'o Buen Pastor se construyió en 1935. Actualment, ubre a o publico de 9:00 a 17:00 en verano (octubre a abril) y de 10:00 a 16:00 d'hibierno (mayo a septiembre). A "Estatua d'o can", adedicada a os cans d'atura de Mackenzie, fue encargada o 7 de marzo de 1968.^[1]

Clima

Lake Tekapo tien un clima oceanico (clasificación climatica de Köppen: Cfb) con veranos suaus y soleyaus y hibiernos fredos y ixutos. De meya, Lake Tekapo tien 2180 horas anyals de sol (200 horas mas que a meya de Nueva Zelanda) y 78 días de plevia que producen bels 600 mm de precipitacions anyals.^[1] A temperatura ye, por un regular, calida en verano y extremadament freda d'hibierno ta os estandars neozelandeses.

Observatorio Universitario de Mount John

Debiu a la suya atmosfera clara, a o gran numero de nueiz estreladas y a la relativament poca contaminación luminica, l'Observatorio Universitario de Mount John se troba situau en un chicot tozal a o norte d'ista localidat y a o sud d'o chicot laco Alexandrina. Orichinalment establiu por a Universidat de Pennsylvania (que buscaba un puesto d'observación en o hemisferio sud), actualment ye propiedat d'a Universidat de Canterbury. De 1969 a 1982, as Fuerzas Aerias d'os Estaus Unius teneban una estación de seguimiento de satelites chunto a dito observatorio. En chunio de 2012, un aria de 430.000 ha arredol de Tekapo fue declarada como Reserva Internacional de Ciel Estrelau d'Aoraki Mackenzie por a International Dark-Sky Association, una d'as cuatre que existen en tot o mundo.^[4]

Base militar

O eixercito de Nueva Zelanda tien una gran zona de maniobras situada en Tekapo. Ha estau emplegada tanto ta entrenamientos militars chenerals como especificos ta as fuerzas ninviadas a Afganistán.^[5]

Referencias

↑ ^1,0 ^1,1 ^1,2 (en) "Information on Lake Tekapo". Tekapo Tourism. http://www.tekapotourism.co.nz/info/index.html. Retrieved 11 April 2013.
↑ (en) "Tekapo Tourism - Lake Tekapo". Tekapo Tourism. 2013. http://www.tekapotourism.co.nz/localización.html.
↑ ^3,0 ^3,1 (en) "History of Mackenzie Country". Department of Conservation. http://www.doc.govt.nz/parks-and-recreation/places-to-visit/canterbury/mackenzie-country-and-waitaki/lake-tekapo/features/history/.
↑ (en) . http://docs.darksky.org/PR/IDA_Aoraki_Mackenzie_PR.pdf.
↑ (en) "Lake Tekapo". New Zealand A to Z. 11 d'abril de 2013. http://www.newzealandatoz.com/?pageid=910.

Datos: Q5414035
Multimedia: Lake Tekapo (town) / Q5414035

[TT_info-1] 1,0 ^1,1 ^1,2 (en) "Information on Lake Tekapo". Tekapo Tourism. http://www.tekapotourism.co.nz/info/index.html. Retrieved 11 April 2013.

[2] (en) "Tekapo Tourism - Lake Tekapo". Tekapo Tourism. 2013. http://www.tekapotourism.co.nz/localización.html.

[DOC_hist-3] 3,0 ^3,1 (en) "History of Mackenzie Country". Department of Conservation. http://www.doc.govt.nz/parks-and-recreation/places-to-visit/canterbury/mackenzie-country-and-waitaki/lake-tekapo/features/history/.

[4] (en) . http://docs.darksky.org/PR/IDA_Aoraki_Mackenzie_PR.pdf.

[5] (en) "Lake Tekapo". New Zealand A to Z. 11 d'abril de 2013. http://www.newzealandatoz.com/?pageid=910.

[1]

[2]

[3]

[4]

[5]