Districtos d'Austria
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O districto (alemán: Bezirk) ye en a organización territorial d'Austria a división de segundo nivel por dezaga d'os estaus. As oficinas d'o districto son un punto primario de contacto entre os ciudadans y o estau ta muitos afers que exceden l'ambito municipal: matrimonios, carnets d'adugar, pasaportes u permisos d'armas y cazata.
![](http://upload.wikimedia.org/wikipedia/commons/thumb/c/ca/Bezirke_%C3%96sterreich_Kennzeichen_nach_Bundesl%C3%A4ndern.jpg/400px-Bezirke_%C3%96sterreich_Kennzeichen_nach_Bundesl%C3%A4ndern.jpg)
A lei constitucional austriaca distingue dos tipos de autoridaz administrativas en os districtos:
- comisions de districto (Bezirkshauptmannschaften), autoridaz administrativas que existen unicament ta o gubierno d'o districto.
- ciudat estatutarias (Städte mit eigenem Statut u Statutarstädte), ciudaz que tienen bellas funcions adicionals de districto amás d'as suyas responsabilidaz municipals.
En l'anyo 2017, bi heba un total de 94 districtos, 79 d'éls gobernaus por comisions de districto y 15 por ciudaz estatutorias.
Muitos districtos son cheograficament congruents con un d'os 114 partius chudicials que existen en o país.
As ciudaz estatutorias no gosan decir-se "districtos" difueras de bellas publicacions d'o gubierno y de bels documentos legals. Muitas vegadas as achencias gubernamentals fan servir o termin "districto rural" (Landbezirke) ta fer referencia a os districtos que son gobernaus por comisions de districto, encara que dita expresión no apareixe en garra lei y que muitos d'istos "districtos rurals" no son guaire rurals dende o punto d'anvista urbanistico.