Cheografía d'Espanya
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://upload.wikimedia.org/wikipedia/commons/thumb/e/ed/Spain-CIA_WFB_Map.png/300px-Spain-CIA_WFB_Map.png)
Espanya (con o nombre oficial en castellano de "Reino de España", "Reino d'Espanya" en aragonés) ye un estato transcontinental situau en sudueste d'Europa y en o norte d'Africa. Amás d'ocupar a mayor parte d'a Peninsula Iberica, Espanya ye formada por dos archipelagos (as islas Canarias en l'oceano Atlantico y as islas Balears en a mar Mediterrania) y por dos ciudaz autonomas (Ceuta y Melilla) en o norte d'Africa, amás de cuantas islas menors en ista redolada y d'atras amanatas a la peninsula, como o penyón de Vélez de la Gomera, o penyón d'Alhucemas, as islas Chafarinas y a isla Perejil. Espanya muga a l'ueste con l'oceano Atlantico y Portugal; a o norte con a mar Cantabrica, a o nord-este con Francia y Andorra, a l'atro canto d'a cordelera d'o Pireneu; a l'este con a mar Mediterrania y a o sud con o Reino Uniu en a suya buega con Chibraltar, y con Marruecos, en as buegas de Ceuta y de Melilla, en o continent africano.