Arte
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo ye sobre l'arte como un medio d'expresión y comunicación; ta atros usos, se veiga Arte (desambigación).
![](http://upload.wikimedia.org/wikipedia/commons/thumb/e/ec/Mona_Lisa%2C_by_Leonardo_da_Vinci%2C_from_C2RMF_retouched.jpg/220px-Mona_Lisa%2C_by_Leonardo_da_Vinci%2C_from_C2RMF_retouched.jpg)
O termin art[1] u arte procede d'o latín ARTEM. En l'Antigüedat se consideró l'arte como a pericia y manya en a producción de cualcosa. En a Modernidat, manimenos, empecipia a distinguir-se entre artesanía y bellas artes y entre artesán y artista. Asinas, l'artesán practica as artes utils, s'adedica a fer obchectos que tienen una clara utilidat. L'artista s'adedica a las bellas artes y os suyos obchectos u practicas tienen un carácter ornamental, exprisivo u de reflexión arredol d'a realidat social. En atras culturas ista distinción no existe.
Os obchectos artisticos
[editar | modificar o codigo]As caracteristicas que definen a los obchectos artisticos son :
- No son cosas utiles, en o sentiu de estar feitas con un fin purament pragmatico. Anque muitos tienen una utilidat, no ye a suya motivación prioritaria.
- Son obchectos orichinals y unicos. Asinas, una copia d'un cuadro por mui bien feita que siga no sería una obra d'arte.
Teorías sobre l'arte
[editar | modificar o codigo]As prencipals teorías sobre l'arte, en son tres:
- Formalismo: L'arte consiste en a combinación de colors, ringlas y plans, ecetra. Istas obras por un regular no cumplen un fin.
- Exprisionismo: L'arte representa en as suyas obras as emocions y sentimientos d'o autor. L'artista tracta de representar una experencia emocional a traviés d'aparatacions y distorsions con a fin de intensificar-las. Un meyo de exprisionismo ye a musica.
- Simbolismo: Teoría que se centra en a significación d'a obra. As sinyals esteticas se caracterizan por no estar referencials, ye dicir, no bi ha convencionalidat entre a sinyal y l'obchecto. Atra caracteristica ye que son iconos, ye dicir, bi ha semellanzas entre as propiedaz de l'obchecto. Expresan valors que contienen a sinyal mesma. Os pintors simbolistas emplegan colors vivos, ringlas gordas, y s'inspiran en temas literarios y relichiosos...
L'arte ta representar a realidat
[editar | modificar o codigo]- L'arte puede servir ta representar a realidat u ta ofrir-ne una conoixencia diferent d'a que pueden ofrir-nos atras disciplinas como as ciencias.
- L'arte representativo u fegurativo sirve ta representar flecas d'a realidat. Muitos filosofos y artistas han caducato que a función fundamental de l'arte ye a de remedar a la naturaleza .
- L'arte sería una representación d'a realidat humana y servirba en muitos casos ta fer-nos conoixer realidaz que no conoixemos. Isto resulta mui polemico, hi habendo dos teorías concaradas:
- O aislacionismo: apreciar a propia obra d'arte isolada d'atros factors.
- O contextualismo: empara que a obra d'arte bi ha que considerar-la en o suyo contexto, en a bastida en a que se da.
Arte ta cambiar a sociedat
[editar | modificar o codigo]L'arte se da siempre en un contexto historico y social determinato. Diferents teorías:
- L'arte por l'arte: L'arte tien o suyo sentiu y fin en sí mesma. Seguntes ista teoría l'artista ye belún dotato d'unas extraordinarias cualidaz creyativas y a suya prencipal obligación ye perfeccionar a suya obra. Ista teoría fue esfendida por bels romanticos alemans d'o sieglo XIX.
- L'arte como fuerza social : Ye concarada con l'anterior, l'artista tien una gran responsabilidat social, y ha de estar-ie "embrecato" con o suyo tiempo. Ista teoría fue esfendida por os socialistas franceses d'o sieglo XIX y luego se extendió a atros países.
Arte como amostranza moral
[editar | modificar o codigo]A concepción moralista se basa en que l'arte ha d'estar a lo servicio d'a moralidat, y se arriba a considerar mesmo que ha de ser refusato tot arte que no prometa valors morals que se consideren aprofitables. O moralismo en l'arte se remonta a Platón (sieglo IV aC), ta o que as tres ideyas fundamentals a las que debe aspirar o ser humán son a de Polideza, Bondat y Chusticia, habendo-ie entre ellas una intima relación.
En l'actualidat sigue viva la polemica sobre os efectos morals de l'arte y sobre a lechitimidat u no de censurar l'arte por criterios morals y no esteticos.
As bellas artes
[editar | modificar o codigo]![](http://upload.wikimedia.org/wikipedia/commons/thumb/5/5d/Vel%C3%A1zquez_-_El_Triunfo_de_Baco_o_Los_Borrachos_%28Museo_del_Prado%2C_1628-29%29.jpg/250px-Vel%C3%A1zquez_-_El_Triunfo_de_Baco_o_Los_Borrachos_%28Museo_del_Prado%2C_1628-29%29.jpg)
Charles Batteaux (1474) estió lo inventor d'o termin "bellas artes", que aplicó orichinalment a danza, estretalla, musica, pintura y poesía, adhibindo-ie dimpués arquitectura y explicativa. Mas tardi, a lista penarba cambeos seguntes os diferents autors, que bi adhibirban u en quitarban artes.
Ricciotto Canudo, o primer teorico d'o cine, estió lo primer en calificar a o cine como lo seteno arte en 1911.
Actualment, se considera a siguient lista:
- As seis primeras son arquitectura, danza, escultura, musica, pintura y poesía (literatura).
- O seteno ye a cinematografía.
- A ueitena ye a fotografía, anque s'estrapacia que ye una amplaria d'a pintura.
- A novena ye a historieta, anque s'estrapacia que ye un puent entre a pintura y o cine.
Beluns consideran atras artes en a lista, como a televisión, a publicidat u os vidiochuegos.
Disciplinas artisticas
[editar | modificar o codigo]![](http://upload.wikimedia.org/wikipedia/commons/thumb/9/94/Wrightfallingwater.jpg/250px-Wrightfallingwater.jpg)
.
- Arquitectura:
- Artesanía:
- Alfarería.
- Payelería.
- Cristalería.
- Glíptica.
- Ebanistería.
- Marquetería.
- Mosaico.
- Orfebrería.
- Tapicería.
- Realización de cristalamen u vidrieras.
- Artes graficas:
- Cinematografía:
- Danza:
- Estretalla.
- Fotografía.
- Historieta.
- Literatura.
- Musica:
- Pintura:
- Debuixo.
- Teatro.
- Net.art u Arte.rete.
Epocas
- Arte prehistorico (Prehistoria).
- Arte mesopotamico (IV milenio a.C).
- Arte griego (Estilo artistico desembolicato por a cultura griega).
- Arte celta (Alto u baixo sieglo IX antis de Cristo).
- Arte romano (Dende lo sieglo III a.C. a lo sieglo V d. C.).
- Arte iberico(Sieglos VI-IV antis de Cristo).
- Arte paleocristián(Sieglos I a V).
- Arte bizantín (Sieglo VI).
- Arte astur.
- Arte romanico (Europa, sieglos XI, XII y parti d'o XIII).
- Arte gotico ( Dende o sieglo XIII dica o Renaiximiento).
- Arte d'o Renaiximiento (Dende o sieglo XV dica o sieglo XVI).
- Arte barroco (Dende o sieglo XVII y as primeras decadas d'o sieglo XVIII).
- Arte d'o Sieglo XX.
- Arte d'o Sieglo XXI.
Estilos artisticos
- Fluxus.
- Happening.
- Videoarte.
- Performance.
- Arte pop.
- Land Art.
- Body Art.
- Arte abstracto.
- Arte interactivo.
- De Stijl.
- Exprisionismo.
- Surrealismo.
- Impresionismo.
Arte rechional
- Arte africano (Manifestacions artisticas producidas por os pueblos de l'África subsahariana)
- Arte chino
- Arte musulmán (Estilo artistico desembolicato en a cultura chenerada por a relichión islamica)
Referencias
[editar | modificar o codigo]- ↑ *(es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). p 348
Bibliografía
[editar | modificar o codigo]- (en) Eco, Umberto. Storia della bellezza . BOMPIANI, 2004, Barcelona. ISBN 45232497.
Se veiga tamién
[editar | modificar o codigo]- Artes Polidas
- Artes Marcials.
- Anvista.
- Land Art: Arte d'a tierra y naturaleza