Wolf
Wolf | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wüsseschaftlige Name | ||||||||||||
Canis lupus | ||||||||||||
Linnaeus, 1758 |
Dr Wolf (Canis lupus) isch e Suuger us dr Familie vu dr Hind (Canidae) us dr Ornig vu dr Raubdier (Carnivora).
Bschrybig
[ändere | Quälltäxt bearbeite]Welf läben in dr Regle in Familieverbänd, wu „Rudel“ gnännt wäre. In dr Hauptsach jage si mittelgroßi bis großi Huefdier. Dr Wolf isch syt em spote Pleistozän, dodermit rund hundertdöusert Johr lang, in ganz Europa, wyte Dail vu Asie mitsamt dr Arabische Halbinsle un Japan un Nordamerika verbraitet gsii. Im 19. Johrhundert isch er in fascht allne Regione vor allem dur d Jagd stark dezimiert wore. Z Wescht- un z Mitteleuropa isch er fascht un z Japan vollständig uusgerottet wore. Syt em Änd vum 20. Johrhundert stoht dr Wolf unter internationalem Schutz un d Bständ hän si zum Dail erholt. Z Dytschland sin anne 2000 zum erschte Mol wider Jungi uf d Wält chuu, im Novämber 2013 sin 25 sässhafti[1] un im Oktober 2014 scho 34 Wolfsrudel oder -paar bstetigt wore.[2]
Im Alperuum isch dr Wolf ganz uusgrottet wore. Z Italie het e Räschtbstand vu rund 100 Welf in dr Abruzzen iberläbt. Wu d Art Mitti vu dr 1970er Johr z Italie unter Schutz gstellt woren isch, het si dr Bstand erholt, hite git s rund 1000 im Apennin.[3] Anne 1985 isch zum erschte Mol e Wolf us em Appenin in dr italienische Alpe noogwise wore, 1987 in dr franzesische Alpe. In d Schwyzer Alpe sin di erschte Welf 1995 chuu. Im Winter 2010/2011 het mer im sidweschtlige Alperuum insgsamt 37 Wolfsrudel gfunde, dodervu 16 z Frankrych, 14 z Italien un sibe, wu iber d Gränze gehn.[4] Mer goht hit vu 250 bis 300 Welf in dr Alpen uus.[5]
Welf hän scho frie Yygang in d Mythen un Märli vu vyl Velker gfunde, si zelle zue dr bekannteschte Raubdier.
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Canis lupus in dr Rote Lischt vu dr gfehrdete Arten vu dr IUCN 2014.1. Yygstellt vu: L. D. Mech, L. Boitani, 2008. Abgruefe am 15. Juni 2014
- Wolf im Schwyzerische Idiotikon Bd. XV Sp. 1544 ff.
Fueßnote
[ändere | Quälltäxt bearbeite]- ↑ Kontaktbüro „Wolfsregion Lausitz“ (2013): Verbreitung in Deutschland. In: www.wolfsregion-lausitz.de. Archiviert vom Original am 17. November 2013; abgruefen am 17. November 2013.
- ↑ Kontaktbüro „Wolfsregion Lausitz“ (2014): Verbreitung in Deutschland. In: www.wolfsregion-lausitz.de. Archiviert vom Original am 6. Oktober 2014; abgruefen am 3. Oktober 2014.
- ↑ LUPO IN ITALIA (Canis lupus italicus).
- ↑ P. T.: Le loup dans les Alpes franco-italienne. In: La gazette des grands prédateurs. Nr. 43, Februar 2000, ISSN 1639-8777, S. 25–29, Digitalisat (PDF; 489 KB).
- ↑ KORA: Wolf Alpen.