Wirbeldier
Wirbeldier | ||||||||||||
---|---|---|---|---|---|---|---|---|---|---|---|---|
![]() Griechischi Landschildchrott (Testudo hermanni) | ||||||||||||
Systematik | ||||||||||||
| ||||||||||||
Wüsseschaftlige Name | ||||||||||||
Vertebrata | ||||||||||||
de Cuvier, 1812 |
![](http://upload.wikimedia.org/wikipedia/commons/thumb/1/10/Tursiops_truncatus_01.jpg/220px-Tursiops_truncatus_01.jpg)
![](http://upload.wikimedia.org/wikipedia/commons/thumb/f/f2/Larus_argentatus01.jpg/220px-Larus_argentatus01.jpg)
![](http://upload.wikimedia.org/wikipedia/commons/thumb/d/d0/Laubfrosch_Macro.jpg/220px-Laubfrosch_Macro.jpg)
D Wirbeldier (Vertebrata), hüfig Schädeldier (Craniota oder Craniata) gnennt, bilde en Understamm vo de Chorddier (Chordata) und umfasse Schliimaal, Nüünauge, Chnorpel- und Chnochefisch, d Amphibie, d Reptilie, d Vögel und d Süüger mit zsämme fast 58.000 Arte. Das si noch Schetzige öbbe ei Brozänt vo alle Arte, wo je existiert hai. Wältwit si bis jetzt mehreri zähduusig fossili Arte entdeckt worde.[1]
Dr Begriff „Vertebrata“ cha – je noch Quelle und taxonomischer Bedrachtig – au änger oder wiiter verstande wärde. Im erste Fall wärde d Schliimaal us dr Gruppe usgschlosse (as Vertebrata sensu stricto), im zweite Fall, wo hüte as veraltet gältet, wärde au die Schädellose iibezoge. Ufgrund vo dr hoche Verbreitig und wägem Bekanntheitsgrad wird do für s Taxon „Chiiferloosi und Chiifermüüler“ dr Name „Wirbeldier“ (Vertebrata) anstatt vom semantisch korräkte „Schädeldier“ bruucht.
Sit 2005 gältet dr Fisch Paedocypris progenetica mit ere Lengi vo 7,9 mm bim Wiibli und 10 mm bim Männli as s chliinste läbende Wirbeldier. S grösste Wirbeldier isch dr Blauwal mit ere Lengi vo bis zu 33 Meter und 200 Donne Gwicht.
Systematik
[ändere | Quälltäxt bearbeite]![](http://upload.wikimedia.org/wikipedia/commons/thumb/3/3f/Lampetra_fluviatilis.jpg/220px-Lampetra_fluviatilis.jpg)
![](http://upload.wikimedia.org/wikipedia/commons/thumb/b/b1/Oncorhynchus_mykiss.jpg/220px-Oncorhynchus_mykiss.jpg)
![](http://upload.wikimedia.org/wikipedia/commons/thumb/4/46/Bear_Alaska_%283%29.jpg/220px-Bear_Alaska_%283%29.jpg)
- Wirbeldier (Vertebrata) (57.850 Arte)
- Schliimaal (Myxini) (74 Arte)
- Nüünauge (Petromyzontida) (42 Arte)
- Pteraspidomorphi †
- Anaspida †
- Galeaspida †
- Osteostraci †
- Thelodonti †
- Kiefermäuler (Gnathostomata) (57.750 Arte)
- Placodermi †
- Stachelhaie (Acanthodii) †
- Chnorpelfisch (Chondrichthyes) (1143 Arte)
- Chnochefisch (Osteichthyes)
- Strahleflosser (Actinopterygii) (26.000 Arte)
- Fleischflosser (Sarcopterygii) (8 Arte)
- Landwirbeldier (Tetrapoda) (30.600 Arte)
Öb e wiiteri Gruppe, die usgstorbene Conodonta au zu de Wirbeldier ghöre, isch grad so umstritte wie öb d Schliimaal drzue ghöre.
Schliimaal und Nüünauge si früehner as Rundmüüler zsämmegefasst worde, die usgstorbene, oft stark banzerete, chiiferlose Taxa as Ostracodermi. Beidi Gruppe zsämme hai d Überklass vo de Chiiferlose (Agnatha) bildet. Die Chiiferlose und ihri beide Undergruppe si aber kei monophyletischi Taxa und wärden dorum in ere modärne Systematik nüme bruucht.
Litratur
[ändere | Quälltäxt bearbeite]- W. Westheide, R. Rieger: Spezielle Zoologie. Teil 2: Wirbel- oder Schädeltiere. Spektrum Akademischer Verlag, 2003, ISBN 3-8274-0900-4.
- G. Mickoleit: Phylogenetische Systematik der Wirbeltiere. Verlag Dr. Friedrich Pfeil, 2004.
- Joseph S. Nelson: Fishes of the World. John Wiley & Sons, 2006, ISBN 0-471-25031-7.
Weblingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fuessnote
[ändere | Quälltäxt bearbeite]- ↑ Wilfried Westheide, Reinhard Rieger: Spezielle Zoologie Teil 2: Wirbel- oder Schädeltiere, 1. Auflage. Spektrum Akademischer Verlag, Heidelberg, Berlin, 2004