Tessin
Tessin (it. Ticino) | ||
dr Ticino bi Claro oberhalb vo Bellinzona | ||
Date | ||
---|---|---|
Gwässerkennzaal | CH: 56 | |
Laag | Kanton Tessin (Schwiz) und Norditalie | |
Flusssystem | Po | |
Abfluss über | Po → Adria | |
Quelle | nordöstlig vom Nuufenebass 46° 29′ 10,6″ N, 8° 24′ 14,8″ O | |
Quellhöchi | 2'536 m ü. M. | |
Mündig | in Po in dr Nööchi vo PaviaKoordinate: 45° 8′ 32″ N, 9° 13′ 47″ O 45° 8′ 32″ N, 9° 13′ 47″ O | |
Mündigshöchi | 50 m s.l.m. | |
Höchiunterschiid | 2486 m | |
Lengi | 248 km | |
Iizugsgebiet | 7228 km² | |
Abfluss am Pegel Magadino | MNQ |
69 m³/s
|
Abfluss | MQ |
348 m³/s |
Rächti Nääbeflüss | Maggia, Toce | |
Linggi Nääbeflüss | Brenno, Moësa | |
See won er / sii duure fliesst | Langesee |
Dr Tessin (lombardisch Tesin oder Tisin, italiänisch Ticino, in dr Antike Ticinus) isch e lingge Nääbefluss vom Po und fliesst vo dr Schwiz uf Norditalie. Er het em Kanton Tessin dr Naame gee.
D Kwelle vom Tessin isch bim Nuufenebass südwestlig vom Gotthardmassiv. Dr Fluss louft zerst dur s Bendrettodaal, denn dur d Leventina und d Riviera, a dr Stadt Bellinzona verby und dur d Magadinoebeni, bevor er in dr Langesee mündet. D Bolle di Magadino sind es Naturschutzpiet bi dr Mündig vom Tessin.
Uf dr italiänische Site fliesst er bi Sesto Calende us em See uuse, dur d Poebeni, und mündet südöstlig vo Pavia in Po.
Dr Fluss isch 248 km lang und si Iizugsgebiet 7'228 Kwadratkilometer. Die wichdigste Nääbeflüss si dr Brenno, d Moesa, d Maggia und d Toce.
An de Ufer vom Fluss, vermuetlig in dr Nööchi vo Vigevano, öbbe 25 km nordwestlig vo Pavia, het 218 vor Chrischtus s Gfächt am Ticinus zwüsche de Römer und em karthagische Fäldherr Hannibal stattgfunde, wo d Kathager gwunne häi.
-
dr Oberlauf vom Ticino
-
d Mündig in Langesee
-
dr Ticino bi Sesto Calende
-
dr Ponte Vecchio über e Ticino z Pavia
Weblingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Ruggero Crivelli: Tessin (Fluss). In: Historisches Lexikon vo dr Schwiiz.