Science-Fiction
![](http://upload.wikimedia.org/wikipedia/commons/thumb/8/87/Amazing_Stories_January_1930.jpg/220px-Amazing_Stories_January_1930.jpg)
D Science-Fiction [ˌsaɪəns ˈfɪkʃən̩] (ängl. science „Wüsseschaft“, und fiction „Fikzioon“) isch e Genre vo dr Litratuur, vom Film und dr bildende Kunst.
S Wort isch anne 1851 vom änglische Dichter William Wilson (ca. 1826–1886) prägt worde.
was es isch
[ändere | Quälltäxt bearbeite]Derby tuet me s Indiwiduum, d Gsellschaft oder d Umwält in alternative Konstellazioone daarstelle.
D Science-Fiction dänkt sech uus, was in dr Zuekumft oder wit äwäg vo der Äärde chönt mööglig sy, und si brobiert mit spannende Gschichte z beschrybe, wie s denn oder döört zuegoot. Me tuet reali wüsseschaftligi und technischi Sache mit fikzionale Erfindigen aarychere.
Bi de Macher vo Science-Fiction- Wärch sy so Sache ganz beliebt wie: mönscheäänlichi Roboter und künschtlichi Intelligänz, s Umereise im Wältall, Begägnige mit usserirdische Kulture, höch entiwckleti Medizin, Reisen i anderi Zytepoche, aber au schlimmi Kataschtroofe und wie me derby chan überlääbe. Bi vilne Gschichte chunt s Militäär und der Chrieg vor.
Gwüssi Motyv chöme vo der scho zimli alte Literatur, wo en Utopie beschrybt.
was underscheidet se vo der Fantasy-Litratuur?
[ändere | Quälltäxt bearbeite]D Science-Fiction underschäidet sich vo Fantasy, wil bi dere d Fenomeen käi Bezug zu de naturwüsseschaftlige Bedingige häi. Fantasy-Autoore bruuche au Elimänt vo dr fantastische Litratuur.
Es git au Wärch, won e Mischig vo beidem bringe, de schwätzt mä mäistens vo „Science-Fiction/Fantasy“, „SciFi-Fantasy“ oder von „Science Fantasy“. Hüfig brucht mä aber in dr Science-Fiction klassischi Fantasy-Elimänt und git ene e nöiji Interpretazioon. So macht men us dr Magy vo dr Fantasy in dr Science-Fiction hüfig «Psi-Chreft», und d Götter oder Gäischter wärde dur Lääbensforme ersetzt, wo i der Evoluzioon vill wyter sy.
Litratuur
[ändere | Quälltäxt bearbeite]- Brian Aldiss, David Wingrove: Trillion Year Spree: The History of Science Fiction. Atheneum Books, New York 1986, ISBN 0-689-11839-2.
- Hans Joachim Alpers, Werner Fuchs, Ronald M. Hahn, Wolfgang Jeschke: Lexikon der Science Fiction Literatur, 2 Bde., Münche (Wilhelm Heyne Verlag) 1980. ISBN 3-453-01063-9, ISBN 3-453-010647
- John Clute, Peter Nicholls (Hg.): The Encyclopedia of science fiction, New York (St. Martin's Press) 1993. ISBN 0-312-09618-6
- Lester del Rey: The world of science fiction, 1926-1976. The history of a subculture, Nöi York (Garland Pub.) 1980. ISBN 0-8240-1446-4
- Thomas Koebner (Hrsg.): Filmgenres: Science Fiction. Reclam-Verlag, Stuttgart 2007, ISBN 978-3-15-018401-1.
- Adam Roberts: The history of science fiction, Houndmills u. a. (Palgrave Macmillan, Palgrave histories of literature) 2006. ISBN 978-0-333-97022-5
- Peter Schlobinski, Oliver Siebold: Wörterbuch der Science-Fiction. Peter Lang, Frankfurt am Main 2008, ISBN 978-3-631-57980-0
- Matthias Schwartz: Die Erfindung des Kosmos. Zur sowjetischen Science Fiction und populärwissenschaftlichen Publizistik vom Sputnikflug bis zum Ende der Tauwetterzeit, Peter Lang, Frankfurt am Main 2003, ISBN 978-3-631-51225-8
Weblingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Bibliografii vo Science-Fiction uf Dütsch
- The Internet Speculative Fiction Database
- Science Fiction ist ... - Sammlung von Definitionen in der Literatur
- Die Definition der Science-Fiction in The Encyclopedia of Science Fiction