Ruädistettä-Friedlisbërg
Rudolfstetten | |
---|---|
![]() | |
Basisdate | |
Staat: | Schwiiz |
Kanton: | Aargau (AG) |
Bezirk: | Brämgarte |
BFS-Nr.: | 4075 |
Poschtleitzahl: | 8964 |
Koordinate: | 671250 / 246939 |
Höchi: | 494 m ü. M. |
Flächi: | 4,90 km² |
Iiwohner: | 4618 (31. Dezämber 2022)[1] |
Website: | www.rudolfstetten.ch |
Charte | |
![]() |
Dialäkt: Aargauerdüütsch |
Ruädistettä-Friedlisbërg (amtlich Rudolfstetten-Friedlisberg) isch ä Gmeind im Bezirk Bremgartä im Schwiizär Kanton Aargau. S Dorf liit am öschtlichä Hang vom Mutschälle-Pass, a dä Gränze zum Kanton Züri. D Gmeind gränzt a d Gmeindänë Widä und Berikä .
Politik
[ändere | Quälltäxt bearbeite]Diä 5 Gmeinderöth sind dä:
- Alfred Oggenfuss (CVP), Gmeindsammä
- Christian Schaub (FDP), Vize-Gmeindsammä
- Anton Hürlimann (CVP)
- Lisa Marolf (SVP)
- Marcel Signer (parteilos)
S Bezirksgricht Brämgarte stellt d Judikativä. Ruädischtettä-Friedlisbërg kört zum Fridnsrichtärchreis Brämgartë.
Wirtschaft
[ändere | Quälltäxt bearbeite]Am nordöschtlichä Dorfrand vo Ruädistettä gitz ä chliini Induschtrizonä. D Mehrheit vo dä ärwërbstätigä Bevölkärig schaffët allärdings i dä Schtat Züri odr im naeglägänë Limmättal (z. B. z Diätikä, Schliärë, Schpreitäbach usw.).
Värcheer
[ändere | Quälltäxt bearbeite]D Gmeind wird durch d Brämgarte–Diätikä-Bahn erschlossä; äs git zwei Haltischtelä (Ruädischtettä und Ruedischtettä-Hofackär). D Hauptschtraas Wohlä–Brämgartë–Diätikä, wo zmitzt dur d Gmeind füärt isch eini vo dä wichtigschtä Hauptschtraasä vo dä Schwiiz. Dä Autobahnaschluss Urdorf isch öppe 4 km entfërnt. Dä Ortsteil Friedlisbërg isch nöd mit öffäntlichä Värcheersmitl ereichbar.
Bildig
[ändere | Quälltäxt bearbeite]Z Ruädischtettä gits 5 Chindrgärtä und ei Primarschuäl für diä 1. bis 6. Klass. D Chind us Friedlisbërg hend früehnr e eigeti Schuel gha, wo s bis zu dä 3. Klass bsuecht hend. Die isch aber ufglöst worde und jetz gönds uf Ruädischtettä id Schuel.
D Oberstufä (Realschuäl, Sekundarschuäl, Bezirkschuäl) esch i dä Gmeind Berikä. Det gönd ned nur d Schüäler vo Ruädistettä i d Schuäl, sondern au diä vo dä umligendä Gmeindä: Berikä, Widä, Zufikä. Sit em Jahr 2007 esch au d Realschuäl i dä KSM (Chreisschuäl Mutschälle). Voranä sind d Chind immr i dä eigenä Gmeindä i d Real gangä.
Literatur
[ändere | Quälltäxt bearbeite]- Peter Felder: Die Kunstdenkmäler des Kantons Aargau. Band IV: Der Bezirk Bremgarten (= Kunstdenkmäler der Schweiz. Band 54). Hrsg. von der Gesellschaft für Schweizerische Kunstgeschichte GSK. Bern 1967.
- Anton Wohler: Rudolfstetten-Friedlisberg In: Historisches Lexikon vo dr Schwiiz.
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023