Richard Nixon
![](http://upload.wikimedia.org/wikipedia/commons/thumb/7/71/Nixon_30-0316a.jpg/170px-Nixon_30-0316a.jpg)
Dr Richard Milhous Nixon (* 9. Januar 1913 z Yorba Linda, Kalifornie; † 22. April 1994 z New York) isch en US-amerikanische Politiker vo dr Republikanische Partei und vo 1969 bis 1974 dr 37. Presidänt vo de Vereinigte Staate gsi. Er isch bis jetzt dr einzig Presidänt vo de Vereinigte Staate, wo us siim Amt zruggdräte isch. Dr Grund für das isch d Watergate-Affäre gsi.
Eins vo siine dringendste Problem isch dr Vietnamchrieg gsi. Scho 1969 het er agfange die amerikanische Druppe us Vietnam zruggzzieh, het aber dr Chrieg au uf Laos und Kambodscha usdehnt. Nochdäm d Strategii vo schwere Bombardemänt vo Nordvietnam wie d Operation Christmas Bombing im Dezämber 1972 nüt gnützt het, het er 1973 mit de Nordvietnamese e Friide abgschlosse, wo schlussändlig ere Kapitulation gliich cho isch, und am 1. Mai 1975 si d Nordvietnamese z Saigon iimarschiert.
Ussepolitisch het dr Nixon sich um en Entspannig im Chalte Chrieg bemüeht. Er het d SALT (Gspröch über d Beschränggig vo de strategischi Waffe) mit dr UdSSR abghalte, wo 1972 mit em ABM-Verdrag, em Verdrag zur Begränzig vo Rageteabwehrsystem, abgschlosse worden isch. Er het 1972 Staatsbsüech in dr Volksrepublik China und in dr Sowjetunion gmacht und het mit China d Beziehige normalisiert.
Innepolitisch isch d Inflation e grosses Problem gsi. Dr Nixon het e Ziit lang e Planwirtschaft iigfüehrt, wo d Löhn und d Priis gsetzlig iigfrore het. Er het au neui staatligi Ämter gründet, drunder e nationali Umwältbehörde, d Environmental Protection Agency (EPA).
Was im Nixon zum Verhängnis worden isch, isch si missdrauischi Natur gsi. Er het d Rolle vom Kabinett verchliineret und sich ganz uf siini Verdraute verlo. Die hai en in dr Abhörskandal, wo as Watergate-Affaire bekannt worden isch, verwigglet, und dr Nixon het d Undersuechigskomission aglooge drwäge. Schliesslig het er am 9. August 1974 müesse zruggdräte. Dr Gerald Ford isch si Nochfolger worde und het en brompt begnadigt, was so unpopulär gsi isch, ass es em mögliigerwiis d Widerwahl gege dr Jimmy Carter im Johr 1976 kostet het.
Literatur
[ändere | Quälltäxt bearbeite]- Memoiren. Ellenberg, Köln 1978, ISBN 3-921369-61-4
- So verlieren wir den Frieden – Der 3. Weltkrieg hat schon begonnen. Kristall-Verlag, Hamburg 1980, ISBN 3-607-00001-8
- Autobiographie. Ullstein, 1984, ISBN 3-548-33010-X
- Real Peace – Eine Strategie für den Westen. Ullstein, 1985, ISBN 3-548-33044-4
- Staatsmänner unserer Zeit – Politische Profile und persönliche Begegnungen. Bonn Aktuell, Stuttgart 1987, ISBN 3-87959-317-5
Sekundärliteratur
- Richard Reeves: President Nixon – Alone in the White House. Simon & Schuster, ISBN 0-7432-2719-0
- Iwan Morgan: Nixon. London [u. a.] 2002, ISBN 0-340-76031-1
- Vamik D. Volkan, Norman Itzkowitz, Andrew W. Dod: Richard Nixon – A Psychobiography. Columbia Univ. Press, New York [u. a.] 1997, ISBN 0-231-10854-0
- Melvin Small: The Presidency of Richard Nixon. Univ. Press of Kansas, Lawrence, Kan. 1999, ISBN 0-7006-0973-3
- Keith W. Olson: Watergate: The Presidential Scandal that Shook America. Univ. Press of Kansas, Lawrence, Kan. 2003, ISBN 0-7006-1250-5
- Louis W. Liebovich: Richard Nixon, Watergate, and the Press – A Historical Retrospective. Praeger, Westport, Conn. [u. a.] 2003, ISBN 0-275-97915-6
- Jeffrey Kimball: The Vietnam War Files – Uncovering the Secret History of Nixon-era Strategy. Univ. Press of Kansas, Lawrence, Kan. 2004, ISBN 0-7006-1283-1
- J. Edward Lee, H.C. Toby Haynsworth: Nixon, Ford, and the Abandonment of South Vietnam. McFarland, Jefferson, NC [u. a.] 2002, ISBN 0-7864-1302-6
- Dean J. Kotlowski: Nixon's Civil Rights – Politics, Principle, and Policy. Harvard Univ. Press, Cambridge, Mass. [u. a.] 2001, ISBN 0-674-00623-2
- Etienne Manac'h: Mémoires d'extrême asie – le président Nixon en Chine. revue des deux mondes, 1980
- Catherine Durandin: Nixon, le président maudit. éd. Grancher, Paris 2001, ISBN 2-01-235141-7
- Andreas Möller: Die "Küchendebatte" – Nixon und Chruschtschow im Wettstreit der Ideologien. Geschichte lernen, Nr. 94 (2003), ISBN 3-617-17094-3.
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Richard Nixon Library & Birthplace – Em Richard Nixon sii Präsidentebibliothek (englisch)
- The Nixon Center – Politischs Forum vo dr Nixon-Foundation (Stiftig) (englisch)
- www.whitehouse.gov – Biographi (englisch)
- History Declassified: Nixon in China (Site cha nüme abgrüeft wärde; Suche im Webarchiv) (Transkript vom Federal News Service, wo uuveröffentlichtes, wel bisher gheims Material zur Sproch chunnt; englisch)
- Checkers-Speech, Text und Video (englisch)
- Elizabeth Drew, Nostalgia for Nixon? (The Washington Post, 9. Juni 2007, englisch)
![]() |
Dä Artikel basiert uff ere fräie Übersetzig vum Artikel „Richard_Nixon“ vu de dütsche Wikipedia. E Liste vu de Autore un Versione isch do z finde. |