Peter I. vo Russland
![](http://upload.wikimedia.org/wikipedia/commons/thumb/7/72/Peter_der-Grosse_1838.jpg/220px-Peter_der-Grosse_1838.jpg)
Dr Peter I., dr Groossi (russisch Пётр I Вели́кий Pjotr I Weliki), uf d Wält choo as Pjotr Alexejewitsch Romanow (russ. Пётр Алексе́евич Рома́нов; * 30. Maijul./9. Junigreg. 1672 z Moskau; † 28. Jännerjul./8. Februargreg. 1725 z Sankt Petersburg), isch vo 1682 bis 1721 Zar und Groossfürst vo Russland und vo 1721 bis 1725 dr ersti Kaiser[1] vom Russische Riich gsi. Er gältet as äine vo de bedütendste Herrscher vo Russland. Dr Biinaame Dr Groossi bezieht sich uf sini Läistige, aber au im Körper isch er grooss gsi. D Zitgenosse verzelle, ass dr Zar Peter daatsächlig e Riis gsi isch. D Kwelle reede von ere Gröössi zwüsche 2,01 und 2,15 Meter.
Dr Nöijerer
[ändere | Quälltäxt bearbeite]Dr Peter het früe scho dänggt, ass Russland müess vo Öiropa leere. Er het öiropäischi Bekannti ghaa, wo denn zu Berooter worde si, het Dütsch und Holländisch gleert und isch 1697 bis 1698 in Westöiropa umegräist. Z Amsterdam het er e Leer zum Zimmermaa gmacht. Won er 1698 z Wien gsi isch, het er vom e Ufstand vo de Strelitze, sinere Palastwach, ghöört, isch sofort häim und het d Strelitze vernichdet. Er het denn aagfange sini Reformblään umzsetze. Zum d Wirtschaft z fördere, het er Groossbetriib lo baue und d Gründig vo Brivatundernääme understützt, het Reforme im Schuelwääse gmacht, Bärt und altrussischi Chläider verbote, d Verwaltig sterker zentralisiert und bürokratisiert und e Aadelrangdabälle ufgstellt. Das het s Russland mööglig gmacht, äini vo de groosse öiropäische Mächt z wärde.
D Uslandpolitik
[ändere | Quälltäxt bearbeite]Dr Peter het früe gsee, ass dr Zuegang zum Meer für e Groossmacht kritisch cha si. Er het 1695 brobiert, d Krim z eroobere so dass er Hääfe am Schwarze Meer überchiem, isch aber gschiiteret. Im Zwäite Nordische Chrieg (1700–1721) het er denn Gebiet im Baltikum erooberet. Er het 1703 Sankt Petersburg um Finnische Meerbuuse gründet und es zur Hauptstadt gmacht. 1716 isch er no äinisch und das Mol as Zar dur Westöiropa gräist. 1721 het er sich zum Kaiser erhoobe.
Si Dood
[ändere | Quälltäxt bearbeite]Am 8. Februar 1725 isch dr Peter I. z Sankt Petersburg gstorbe, wil er persöönlig Matroose wo in Seenoot gsi si, grettet het, und drbii chrank worde isch.
Litratuur
[ändere | Quälltäxt bearbeite]- Hartwig Ludwig Christian Bacmeister: Beiträge zur Geschichte Peters des Großen. 3 Bänd. Hartkoch, Riga 1774–1784
- Olaf Brockmann: Der Bruch Peters des Großen mit Alt-Moskau. Korbs Diarium und Diplomatenberichte aus Moskau zu den Ereignissen der Jahre 1698 und 1699. In: Jahrbücher für Geschichte Osteuropas. Band 38, 1990, S. 481–503
- Erich Donnert: Peter der Große. Koehler und Amelang, Leipzig 1988, ISBN 3-7338-0031-1
- Jörg-Peter Findeisen: Das Ringen um die Ostseeherrschaft. Duncker & Humblot, Berlin 1992, ISBN 3-428-07495-5
- Daniil Granin: Peter der Grosse. Volk und Welt, Berlin 2001, ISBN 3-353-01190-0
- Gerhard Anton von Halem: Leben Peters des Großen. 3 Bänd, Münster 1803–1804
- Robert K. Massie: Peter der Große. Sein Leben und seine Zeit. Fischer, Frankfurt/M. 1992, ISBN 3-596-25632-1
- Alexander Moutchnik: Der „Strelitzen-Aufstand“ von 1698. In: Volksaufstände in Russland. Von der Zeit der Wirren bis zur „Grünen Revolution“ gegen die Sowjetherrschaft, Forschungen zur osteuropäischen Geschichte, Band 65, hrsg. Heinz-Dietrich Löwe. Harrassowitz Verlag, Wiesbaden 2006, ISBN 3-447-05292-9
- Reinhold Neumann-Hoditz: Peter der Große. In Selbstzeugnissen und Bilddokumenten. Rowohlt, Reinbek 2000, ISBN 3-499-50314-X
- Hans-Heinrich Nolte: Kleine Geschichte Rußlands. Reclam-Verlag, Ditzingen 2003, ISBN 3-15-010541-2 (au bi dr bpb)
- Viktor Ozerski: Herrscher Rußlands von Rurik bis Putin. Phönix-Verlag, Rostow am Don 2004, ISBN 5-222-05545-0
- Sergej F. Platonov: Russkaja istorija. Moskva 1995, ISBN 5-7233-0128-4
- Benjamin Richter: Verbrannte Erde. Peter der Große und Karl XII. Die Tragödie des ersten Russlandfeldzuges. MatrixMedia Verlag, Göttingen 2010, ISBN 978-3-932313-37-0
- Martha Schad (Hrsg.): Macht und Mythos. Die grossen Dynastien. Die Romanows. Weltbild Verlag, Augsburg 2000, Sammler Editionen
- Jacob von Stählin: Originalanekdoten von Peter dem Großen. Winkler, Münche 1968
- Voltaire: Histoire de l’Empire de Russie sous Pierre le Grand, par l’auteur de l’histoire de Charles XII. Genf 1761 und 1763. Deutsch: Geschichte des russischen Reiches unter Peter des Großen. Frankfurt und Leipzig 1761 und 1764
- Reinhard Wittram: Peter I., Czar und Kaiser. Zur Geschichte Peter des Großen in seiner Zeit. Verlag Vandenhoeck und Ruprecht, Göttinge 1954, ISBN 3-525-36140-8
-
Bordret vom Peter I.
-
Bordret vom Peter uf Emaille und Gold
-
Peter dr Groossi an dr Arbet
Weblingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fuessnoote
[ändere | Quälltäxt bearbeite]- ↑ Im zitgenössische Sproochgebruuch und au im Usland isch es bis 1917 üüblig gsii, witer vom Zar z reede.
Vorgänger Fjodor III. |
Zar und Kaiser vo Russland 1682–1725 |
Nochfolger Katharina I. |
![]() |
Dä Artikel basiert uff ere fräie Übersetzig vum Artikel „Peter_I.“ vu de dütsche Wikipedia. E Liste vu de Autore un Versione isch do z finde. |