Oberflachs
Oberflachs | |
---|---|
![]() | |
Basisdatä | |
Staat: | Schwiiz |
Kanton: | Aargau (AG) |
Bezirk: | Brugg |
Gmeind | Schinznach |
PLZ | 5108 |
Koordinate: | 652295 / 254927 |
Höchi: | 401 m ü. M. |
Flächi: | 3,38 km² |
Iiwohner: | 456 (31. Dezember 2013)[1] |
![]() Oberflachs | |
Charte | |
![]() |
Oberflachs isch en ehemoligi Iiwohnergmeind im Bezirk Brugg im Schwiizer Kanton Aargau. Si het uf de 1. Jänner 2014 mit de Gmeind Schinznach-Dorf fusioniert. Die noi Gmeind heisst Schinznach. S Dorf ligt im Schenkebärgertal.
Geographii
[ändere | Quälltäxt bearbeite]De Gmeindsbann het e Flächi vo 338 Hektare, dodervo sind 127 Hektare Wald und 30 Hektare überbaut. Di höchschti Stell isch uf 770 Meter, di tüfschti uf 395 m ü. M.
Gschicht
[ändere | Quälltäxt bearbeite]S erschti Mol taucht Obernflacht in ere Urkund us em Johr 1301 uf. S Dorf isch aber sicher e chli älter, Scho im 1238 sind d Schenke vo Kastle gnennt, wo Vasalle vo de Kyburger gsi sind. D Burg Kastle hets also scho in dere Ziit gäh. Im 1262 isch uf em gliiche Hubel, uf dem Kastle stoht, d Burg Rucheschtei bauet worde. Im 1264i, wo d Kyburger usgschtorbe sind, hei d Habsburger d Landesherrschaft übernoh. Im 1311 hei d Herr vo Mülinen s Dorf und di beide Burge chauft und d Herrschaft Kastle gründt. Im Johr 1460 hei d Bärner s Schänkebärgertal eroberet und d Landesherrschaft übernoh. D Herre vo Mülinen hei aber ihri aagschtammte Rächt, wi zum Bischpil s Nidergricht chönne bhalte. D Reformation isch, wi überall z Bärn, im 1528i iigführt worde. Im 1631i het de Johann Ludwig von Erlach d Herrschaft Kastle chauft. Woo d Burg Rucheschtei im 1642 abbrönnt isch, het de Johann Ludwig von Erlach d Burg Kastle zu eme Schloss la umbaue. Im 1732 het d Schtadt Bärn d Herrschaft Kastle chauft und im Schloss de Sitz vo de chlinschte Landvogtei vom Bärner Aargau iigricht. Im März 1798 sin d Franzose in d Schwiiz iimarschiirt und hei di Helvetisch Republik usgruefe. Oberflachs ghört sither zum Kanton Aargau.
Literatur
[ändere | Quälltäxt bearbeite]- Felix Müller: Oberflachs In: Historisches Lexikon vo dr Schwiiz.
- Michael Stettler, Emil Maurer: Die Kunstdenkmäler des Kantons Aargau. Band II: Die Bezirke Brugg, Lenzburg. (= Kunstdenkmäler der Schweiz. Band 29). Hrsg. von der Gesellschaft für Schweizerische Kunstgeschichte GSK. Bern 1953.
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Oberflachs under Gschicht uf de Website vo de Gmeind Schinznach
Fuessnoote
[ändere | Quälltäxt bearbeite]- ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)