Korinth
Korinth | ||
---|---|---|
| ||
Koordinate | 37° 56′ N, 22° 56′ O | |
Basisdate | ||
Staat | Griechenland | |
Höchi | 70 m | |
Iiwooner | 58.523 | |
Website | www.korinthos.gr | |
![]() Apollon Tempel im antike Korinth
|
Korinth (altgriech. Κόρινθος, Kórinthos f.) isch ä griechischi Schtadt mit öbbe 36000 Iiwohner (2001). Si lit uf em Isthmus vo Korinth, dr Landängi wo d Halbinsle Peloponnes mit em griechische Feschtland verbindet.
Die antiki Schdadt isch am Fuess vomene 575 m hoche Dafelbärg baut worde, won ä Feschdig, d Akrokorinth, druf baut isch, wo dr Zuegang zum Peloponnes vo Norde beherrscht.
Hützudag het d Schdadt im Handel, wo se in dr Antike riich gmacht het, nur wenig Bedütig. Dr Kanal vo Korinth us em 19. Johrhundert het kei Wichdigkeit meh usser as Turischdeattraktion. Im Landvercher isch Korinth aber ä Chnotepunkt bliibe, in de letschde zwanzig Johr isch d Autibahn in Peloponnes usbaut und au d Iisebahn isch entwicklet worde und faschd zwangsläufig müesse si dur Korinth duure.
Gschicht
[ändere | Quälltäxt bearbeite]Früehs Alterdum
[ändere | Quälltäxt bearbeite]![](http://upload.wikimedia.org/wikipedia/commons/thumb/f/f7/Saronic_Gulf_map-de.svg/220px-Saronic_Gulf_map-de.svg.png)
S Gebiet vo Korinth isch vor em Johr 3000 vor dr Ziitwändi besiidlet worde, und d Schdadt isch öbbe um 1000 vo de Dorer gründet worde, aber mä weiss nit vil drüber bis zum achte Johrhundert, wo sich dr Schdadtschdaat vo Korinth zum enä wirtschaftlige Zentrum het afo entwiggle. D Schdadt het d Umgäbig bis zum Ändi vom 8. Johrhundert ganz beherrscht und drmit Kontrolle über ä Isthmus gha. D Korinther hai zu dere Ziit au Kolonie z Syrakus uf Sizilie und z Kerkyra (d Schdadt Korfu) uf dr Insle Korfu gründet.
Korinth isch vo dr zweite Hälfti vom 7. Johrhundert a vom Tyrann Kypselos und denn vo siim Sohn Periander beherrscht worde. Si hai neui Kolonie in dr Adria und Makedoniegründet und dr Periander het ä pflaschdereti Schdrooss vom Korinthische zum Saronische Golf baut, für zum dr lang Wäg ume Peloponnes ume zschbare und so dr Überlanddransbort vo Ware vom Ägäische zum Ionische Meer zfördere.
Antike
[ändere | Quälltäxt bearbeite]Noch dr Herrschaft vo de Tyranne het vo öbbe 550 a än Oligarchii gherrscht, wo Korinth entwicklet het, aber Athen het scho denn e besseri Flotte und ä besser entwigglete Handel gha as Korinth. D Rivalität zwüsche dene beide Schdedt het vili Krisene z Griecheland usglöst in de neggschde zwei Johrhundert. Noch de Chrieg gege d Perser (vo 546 bis 448) het Korinth as Mitgliid vom Peloponnesische Bund im Peloponnesische Chrieg (vo 431 bis 404) mitghulfe, Athen und dr Attisch Seebund z besiige und het noch dr Kapitulation d Zerschdörig vo Athen verlangt. D Spartaner si aber mit erä Entmachdig vo ihrem Find zfriide gsi. Schon ä baar Johr schböter hai sich d Korinther mit Argos, Athen und Thebe erfolglos zsämme do, für zum Sparta im Korinthische Chrieg (395 bis 387) z bekämpfe.
Im Johr 338 vor dr Ziitwändi het dr Philip II. d Akrokorinth bsetzt und de Grieche dr Korinthisch Bund mit em Sitz z Korinth ufzwunge. Nochdäm dä Bund usenandergfallen isch, hai makedonischi Adligi d Schdadt regiert, wo zur gröschde griechische Schdadt worden isch und isch kulturell und wirtschaftlig füehrend gsi. 243 het dr Achäisch Bund Korinth überfalle und d Schdadt het sich em Bund agschlosse. 224 si widr Makedonier Herrscher worde. Noch dr Schlacht vo Kynoskephalai im Johr 197 v. d. Z. hai d Römer die makedonisch Garnison zwunge, sich zruggzzieh, und Korinth het as Mitgliid vom Achäische Bund antirömischi Bolitik betriibe. 146 hai d Römer under em Lucius Mummius d Schdadt belageret und zerschdört.
Quelle
[ändere | Quälltäxt bearbeite]- Dr Artikel "Corinth" in Encyclopædia Britannica. Ultimate Reference Suite. Chicago: Encyclopædia Britannica, 2008.
- Dr Artikel "Corinth (ancient)" in Microsoft® Encarta® Encyclopedia 99. © 1993-1998 Microsoft Corporation
Weblingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)