Karol G
![](http://upload.wikimedia.org/wikipedia/commons/thumb/2/2c/Karol_G_Telemedell%C3%ADn.jpg/220px-Karol_G_Telemedell%C3%ADn.jpg)
Dialäkt: Mìlhüüserdiitsch |
D’ Carolina Giraldo Navarro (* 14. Hornung 1991 z’ Medellín), bekànnt unter ìhrem Kìnschtlernamma Karol G, ìsch a kolumbiànischa Reggaeton-, RnB- un Popsangera un Liaderschriiwera, wo vor àllem ìm schpànischschproochiga Ràuim bekànnt ìsch.
Ìhra Kàrriar hàt d’ Giraldo-n-ààgfànga, wu sa ìn dr kolumbiànischa Wärsioon vum Farnsah-Wattkàmpf The X Factor ufftratta-n-ìsch. Sa ìsch ànna 2014 uff Näi York üssgwàndert un hàt a Vertrààg biim Label Universal Music Latino unterzaichent. Ìhr äärschter Hit ìsch s’ Liad Ahora Me Llama gsìì, wo sa zamma mìt’m puertorikànischa Kìnschtler Bad Bunny uffgnumma hàt. ’S ìsch àui d’ Hàuiptsìnggel vun ìhrem äärschta-n-Àlbum Unstoppable gsìì, wo-n-ìm Joohr 2017 üüssagànga-n-ìsch. Ànna 2018 hàt d’ Karol G dr Latin Grammy Award vu dr Bäschta Näija Kìnschtlera bikumma. Àm Andsjoohr 2018 ìsch ìhr Liad Secreto ìn Zammaschàffa mìt’m Rapper Anuel AA-n-a Hit ìm Làtiinàmerikà worra. Ìm Jüüli 2019 ìsch ìhr Liad China üssagànga, wo sa zamma mìt’m Anuel AA, em J Balvin, em Daddy Yankee un em Ozuna uffgnumma hàt. ’S ìsch ìhr äärscht Müüssikvideo, wo-n-uff YouTube mehr àss aina Milliarda Mol ààglüagt worra-n-ìsch.
Ìm Mai 2019 hàt d’ Karol G ìhr zwait Àlbum Ocean loo veräffentliga, wu vor àllem riawiga Liader z’ loosa sìnn. Ìhr Liad Tusa ìm Zammaschàffa mìt dr Rapperin Nicki Minaj ìsch ìm Nowamber 2019 ärschìena; ’s ìsch a internàzionààler Ärfolg gsìì. Ìn da USA-n-ìsch d’ Sìnngel 28 Mol àls Làtiinischa Plàtiin-Schàllplàtta-n-üüsszaichent worra. Ìm Mai 2021 ìsch ìn dr Karol G ìhr dritt Àlbum KG0516 üssagànga, wo ìn da USA 11 Mol àls Làtiinischa Plàtin-Schàllplàtta-n-üsszaichent worra. Witterscht ìsch ìm Hornung 2022 s’ Liad Miamiii ìn Zammaschàffa mìt dr Becky G ärschìena. S’ Liad ìsch ìm Top 20 vum Billboard Hot 100 gsìì —’s ìsch àlso ìn dr Karol G ìhra bäschtplàtziarta Sìnggel ìn dam Chart.
Lìteràtüür ìwwer sìe
[ändere | Quälltäxt bearbeite]- Nicole J Parker: Karol G: Breaking Barriers, Breaking Beats and Rise to Global Fame. Amazon Digital Services LLC - Kdp, 2024, ISBN 979-88-8385498-8 (amerikanisches Englisch, 146 S., Iigschränkti Vorschau uf books.google.de).
Weblìnks
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Ìn dr Karol G ìhra offiziälla Websitta (anglisch)
- Kanal von Karol G uf YouTube
- d’ Karol G bi Discogs (änglisch)
- d’ Karol G bi Allmusic (änglisch)
- d’ Karol G bi MusicBrainz (änglisch)
- ìn dr Karol G ìhra Liadtäckschta bii Genius.com (anglisch)
- d’ Karol G bii Billboard (anglisch)
- d’ Karol G in de Internet Movie Database (änglisch)
![]() |
Dä Artikel basiert uff ere fräie Übersetzig vu dere Version vum Artikel „Karol_G“ vu de änglische Wikipedia. E Liste vu de Autore un Versione isch do z finde. |