Gerald Ford
![](http://upload.wikimedia.org/wikipedia/commons/thumb/4/4e/Gerald_Ford.jpg/220px-Gerald_Ford.jpg)
![](http://upload.wikimedia.org/wikipedia/commons/thumb/d/d0/Gerald_Ford_Signature.svg/220px-Gerald_Ford_Signature.svg.png)
Dr Gerald Rudolph Ford Jr. (* 14. Juli 1913 z Omaha, Nebraska; † 26. Dezämber 2006 z Rancho Mirage, Kalifornie; gebore as Leslie Lynch King, Jr. nach Adoption ombenannt) isch en US-amerikanische Politiker un vo 1974 bis 1977 dr 38. Bräsident vu de Vereinigte Staate vu Amerika gsi.
Er isch Mitglied vo dr Republikanische Bardei worde un 1965 Fraktionsvorsitzender (Minory Leader) vu syner Bardei im Representantehuus, wo er vo 1949 bis 1973 aaghört hed.
Nach em Rücktritt vom Vizepräsident Spiro Agnew am 10. Oktober 1973 hed dr Bräsident Richard Nixon dr Ford zum nöie Vizebräsidente nominiierd. Dr US-Senat hed am 27. Novämber zuegstumme, s Representantehuus vo dr Vereinigti Schtaate am 6. Dezämber. Im Auguscht 1974 isch dr Bräsident Nixon sälber wäge dr Watergate-Affäre zruggdrätte. Dr Ford isch uf e bsunderi Aart und Wys Bräsident worde: Er isch dr einzig, wo weder as Bräsidentsschaftskandidat no as Vizebräsidentsschaftskandidat dür ds Wahlmännerkollegium gwäält worde isch. D Präsidentschaftswahl im Novämber 1976 hed er in enere knappe Entscheidig gägä de Demokrat Jimmy Carter verlore. Em Fords sy Präsidentschaft het am 20. Jänner 1977 gändet. Met 93 Johr un füüf Monat hed dr Ford ds bislang hechscht Alter vo allne US-Bräsidente erreicht. Syni Amtsziit vo 895 Dag[1] isch degäge di chürzischt vo allne US-Bräsidente, wo nid im Amt verstorbe sind.
Weblingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Einzelnachwys
[ändere | Quälltäxt bearbeite]- ↑ Under Iischluss vom Daag vo sym Amtsantritt isch dr Ford 896 Dag im Amt sgy.