Fatwa
![](http://upload.wikimedia.org/wikipedia/commons/thumb/a/aa/Rechtsgutachten_betr_Apostasie_im_Islam.jpg/220px-Rechtsgutachten_betr_Apostasie_im_Islam.jpg)
E Fatwa (arabisch فتوى, DMG fatwā, pl. فتاوى fatāwā) isch e Rächtsuskumft, won e muslimischi Autoridäät git uf e Froog wo an si gstellt worde isch. Iire Zwäck isch s, e religiöses oder rächtligs Brobleem z klääre, wo under muslimische Glöibige entstande isch. Däm, wo d Rächtsuskumft verfasst, isch mäistens e Spezialist in dr islamische Jurisprudänz (Fiqh]) und mä säit em Mufti; wär um d Rächtsuskumft bittet, wird as Mustaftī bezäichnet. D Instiduzioon vom Fatwa isch s islamische Gegestück zu de Responsa, wo d Rächtsuskümft vo de halachische Autoridääte im Juudedum si.
S grammatikalische Gschlächt vom Wort Fatwā im Arabische isch männlig, es wird in dr dütsche wüsseschaftlige Litratuur aber mäistens as Nöitrum behandlet.[1] In mängge Publikazioone cha mä s aber au Femininum finde.
Äini vo de Fatwa, wo in dr nid-uslamische Wält am bekanntiste worde si, stammt vom iranische Ayatollah Khomeini. Am 14. Februar 1989 het dr Schiitefüerer festgläit, ass dr Schriftsteller Salman Rushdie wäge aagäbliger Gotteslästerig im Buech „Die Satanischen Verse“ und wäge Abfall vom Islam müess döödet wärde. Öb s Fatwa aber gültig isch, isch umstritte, vor allem under de Sunnite.
Litratuur
[ändere | Quälltäxt bearbeite]- Aly Abd-el-Gaphar Fatoum: Der Einfluß des islamischen Rechtsgutachtens (Fatwā) auf die ägyptische Rechtspraxis am Beispiel des Musikhörens. Frankfurt am Main [u. a.], Lang, 1994.
- Bettina Gräf: Islamische Gelehrte als politische Akteure im globalen Kontext: eine Fatwa von Yusuf ʿAbdallah al-Qaradawi. Berlin: Schwarz 2003.
- Zafarul Islam: "Fatawa-Works of the Sultanate Period and their Response to Socio-Economic Problem" in Nadeem Hasnain (ed.): Beyond Textual Islam. New Delhi 2008. S. 113-134.
- Benjamin Jokisch.: Islamisches Recht in Theorie und Praxis. Analyse einiger kaufrechtlicher Fatwas von Taqī'd-Dīn Aḥmad b. Taymiyya. In: Islamkundliche Untersuchungen. Band 196. Schwarz, Berlin 1996. ISBN 3-87997-248-6
- Muhammad Khalid Masud / Brinkley Messick / Ahmad S. Dallal: Artikel Fatwā: Concepts of Fatwā; Process and function; modern usage, in: John L. Esposito (Hg.): The Oxford Encyclopedia of the Islamic World, Oxford 2009.
Weblingg
[ändere | Quälltäxt bearbeite]- Cyberfatwa
- Suedasien.info: Übersichtsardikel Fatwa
- Fatwa Online
- Fatwa Management System (Memento vom 30. Septämber 2007 im Internet Archive) (Malaysia)
- Fatwa Center, Islam Web
- Fatwa-Archiv vom evangelikale Institut für Islamfrooge
Fuessnoote
[ändere | Quälltäxt bearbeite]- ↑ Vgl. Birgit Krawietz: Hierarchie der Rechtsquellen im tradierten sunnitischen Islam. Berlin 2002. S. 386-389.