D Inselgrubbe vo de Aleute
Aleuten | |
---|---|
![]() | |
Gwässer | Pazifik |
Geografischi Lag | 55° 0′ N, 164° 0′ W |
![]() | |
Zahl vo de Insle | über 160 |
Hauptinsle | Unalaska |
Gsamtflechi | 17.670 km² |
Iiwohner | 8200 (2012) |
![]() |
D Aleute ([ʔaleˈuːtə] oder [ʔaleˈʔuːtə]; au mit eme Trema gschriibe: Alëute) si en Inselchetti zwüsche Nordamerika und Asie am Südrand vom nordpazifische Beringmeer.
Geografii
[ändere | Quälltäxt bearbeite]D Inselgruppe ghöört zum US-Bundesstaat Alaska und goot im ene Booge am Südrand vom nordpazifische Beringmeer vo dr Alaska-Halbinsle 1750 Kilometer gege Weste bis zu de russische Kommandöörinsle, wo e westlige Uslöifer vo dr Inselchetti si und geologisch zu de Aleute ghööre.
D Inselgrubbe bestoot us 162 Insle und het im Ganze e Landflechi vo 17'670 Quadratkilometer. Si wird in meereri Grubbe iidäilt: d Fox Islands, d Islands of Four Mountains, d Andreanof Islands, d Rat Islands und d Near Islands. Dr amerikanisch Däil bestoot us em Bezirk Aleutians East Borough (Gsamtflechi 38'880 Kwadratkilometer, Landflechi 18'099 km²), wo au dr westlig Däil vo dr Alaska-Halbinsle umfasst, und us dr Aleutians West Census Area (Gsamtflechi 36'562 km², Landflechi 11'388 km²), und het öbbe 8'200 Iiwooner. Die mäiste vo dene si Fischer und Belzdierjeeger, wo zruggzooge in elf Gmäinde uf nume siibe Insle lääbe. D Hauptinsle isch Unalaska mit em Hauptort und em Flottestützpunkt Dutch Harbor. Die russische Komandorski-Insle bilde dr Aleutedistrikt vo dr Region Kamtschatka und häi öbbe 600 Iiwooner.
S Klima isch chüel (−5 bis +2 °C im Winter, 10 °C bis 13 °C im Summer) und nass (500 bis 2000 mm bro Joor). Es räägnet an 120 bis 250 Dääg im Joor.
Flora und Fauna
[ändere | Quälltäxt bearbeite]Uf de Insle waggse Miesch, grobs Gras, e baar Chrüter, Saxifragaceae und verchrüppleti Büsch und Fichte.
![](http://upload.wikimedia.org/wikipedia/commons/thumb/1/1a/Seeotter.jpg/220px-Seeotter.jpg)
Wägen em vile Schnee git s uf em Land nume e baar Nager, wie e Murmeldierart, Polarfüchs und Landvögel wie Spärber, Finke, zum Bischbil Leucosticte tephrocotis und Schnepfe.
Wasserdier hingege git s mee: Walfisch, Seehünd, Seelöje und Seeotter. Früener häi no d Seechue vom Steller und die aleutischi Seerobbe do gläbt.
Under de Wasservögeln si meereri Gans- und Äntenarten, Albatros und Kormoran.
Litratuur
[ändere | Quälltäxt bearbeite]- Hans Läng: Kulturgeschichte der Indianer Nordamerikas, ISBN 3-8112-1056-4.
Weblingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![]() |
Dä Artikel basiert uff ere fräie Übersetzig vum Artikel „Aleuten“ vu de dütsche Wikipedia. E Liste vu de Autore un Versione isch do z finde. |