Wildmannlisloch

wo d Hööli isch

S Wildemannlisloch (/wıldəmannlısˈlɔχχ/) oder Wildmannlisloch isch e Hööli im Toggeburg. Si isch am Nordabhang vom Seluu, eim vo de Chuurfirschte, am ene Felshoger näbe der Breitenalp. Dr Platz vo dr Hööli isch uf 1635 Meter über Meer. D Hööli goot öppe hundertfüfzg Meter wyt i Bäärg ine.

Neandertaaler

S Wildemannlisloch isch vor öppe 40ˈ000 Joor vo Neandertaaller uufgsuecht wore und somit de ältisti bikannti Oort im Toggeburg, wo Mensche ghuuset hend. D Hööli isch doozmool nume wenig öberem Tuurgletscher glege. D Neandertaaller hend die Hööli sporaadisch uufgsuecht, wenn si uf de Jagd i d Geget choo sind. S Wildemannliloch isch i de Joore 1923 bis 1927 systemaatisch erforscht wore. Me hett e Dörenand fo Chnöche gfunde, wo vo junge Höölebääre stammed, und ono wenigi vo e paar anderne Tier. Bim Iigang hett mer vercholets Roottaneholz gfunde und aabrennti Bäärechnöche.

Saage

Me list vonnere s eerschte Mol öppis im Buech vom Pfaarer Heiri Scherrer vo anne 1716. Sit em Joor 1816 isch dr Naame Wildmannlisloch bezüügt. Das het mit dr alte Gschicht z tue, es heige döört früener Wildlüütli gläbt.

Literatur

• Steinhauser-Zimmermann, Regula Anna: Wildenmannlisloch. In: Historisches Lexikon vo dr Schwiiz.
• Bächler, Emil: Das Wildenmannlisloch. In: Appenzeller Kalender 206, 1927.

Weblink

 Commons: Wildenmannlisloch – Sammlig vo Multimediadateie

47.167589.25536