Lischte vo de Flugunfäll i der Schwyz
D Lischte vo de Flugunfäll i der Schwyz, git e chronologische Überblich über di wichtigschte Flugunfäll, Flugzüügberluscht u Beinahe-Kataschtrophe i der Gschicht vo der Schwyzer Luftfahrt, verursacht im Schwyzer Luftruum, vo Schwyzer Fluggselschafte oder mit massgäblecher Bedeiligung vo mene Schwyzer. I de Lischte sy keiner Unfäll mit Kampfflugzüüg, private Chlyflugzüüg, Helikopter u Ballön verzeichnet.
Di Schwyzerischi Sicherheitsuntersuechigsstell (SUST), bis zum 31. Januar 2015 Schwyzerischi Unfalluntersuechigsstell (SUST), undersuecht Unfäll u gfährlechi Ereigniss i der Zivileluftfahrt vo der Schwyz.
Ereigniss
ändere- 18. Januar 1971 - Bim Ändaflug uf e Flughafe Züri-Chlote het d Iljuschin II-18 mit em Kennzeiche LZ-BED vo der Balkan Bulgarian Airlines mit em lingge Flügel der Bode 700 m vor der Landebahn tuschiert u isch ab gstürtzt. Da derby sy 45 Mönsche ums Läbe cho, nur es Chind u der Flugkapitän hei überläbt.
- 2. Septämber 1998 – Swissair-Flug 111 - Bi nere MD-11 vo der Swissair (HB-IWF) isch uf em Flug vo New York City nach Gänf ca. e Stund nach em Start es Füür hinger em Cockpit usbroche. Es isch zunere Rouchendwicklig u zum Usfall vo den Inschtrumänt cho. Als Unfallursach het me e Liechtboge im Kabelboum vom In-flight-Entertaiment-Syschtem ermittlet. Uf em Wäg zur Notlandig z Helifex (Nova Scotia) z Kanada isch ds Flugzüüg vor der Küschte vo Neuschottland i Atlantik gstürzt. Bim Unfall sy alli 229 Persone a Bord ums Läbe cho.[1]
- 10. Januar 2000 - Crossair-Flug 498 - E Saab 340 vo der schwyzer Fluggsellschaft Crossair (HB-AKK) uf em Flug vo Züri nach Dreschde isch churz nach em Start uf enes Fäld bi Nassewil i der Schwyz abgstürzt. Alli 10 Mönschen a Bord sy gstorbe.
- 13. Januar 2000 - Flugunfall von ere Shorts 360 bi Brega - E Short 360-300 vo der schwyzer Fluggsellschaft Avisto (HB-AAM) het 5 Kilometer vor em Flughafe Brega vor der lübische Küschte müesse notwassere. Da derby sy 22 vo 41 Persone ertrunke. Es het kenner Schwümmweschte im Flugzüüg gha. D Maschine isch im Uftrag vo der US-amerikanische Sirte Oil Company us Tripolis underwägs gsi. D Pilote hei's versumet, d Entyschigsalag vo de Tribwärch yzschalte, da wil si sech unablässig über sachfrömdi Theme gredt hei.[2]
- 1. Juli 2002 – Flugkatastrophe vo Überlinge - Es Passagierflugzüüg vom Typ Tupolew Tu-154, betribe vo der russische Bashkirian Airlines (RA-85816), u e z Bahrein registrierti Frachtmaschine vo der DHL vom Typ Boeing 757 (A9C-DHL) sy über em Bodesee i Owinge i der nechi vo Überlinge in ere Höchi vo 11.000 m zämegstosse u abgstürtzt. Alli 71 Passagier sy töt worde. D Flugzüügkollision isch der schwärschti Flugunfall über Dütschland gsi sit 1986.
- 10. Juli 2002 - Swiss-Flug LX 850 - D Pilote vo nere Saab 2000 vo der Swiss (HB-IZY) het uf em Flug vo Basel nach Hamburg wäg de Schlächtewätterverhältnis uf em Flughafe Berlin-Tegel muesse uswyche. Wäge Tribstoffmangel het d Crew um Vorrang bätte, hei aber beschlosse e Landig uf em teilwys stillgleite Flugplaz Werneuche vorznäh. Nach em Ufsetze het ds Flugzüüg e 1 m höche Härdwall überrollt, daderby sy alli drei Fahrwärchsbei abbroche. D Maschine isch uf em Rumpf lige bliebe u isch mit em ne brönnende Triibwärch zum Stah cho. Es isch e Totalschaden endstande.[3][4]
Lueg ou
ändereLiteratur
ändere- Urs von Schroeder: Swissair 1931 - 2002. Aufstieg, Glanz und Ende einer Airline. Huber, Frauenfeld 2002, ISBN 3-7193-1276-3.
Weblink
ändere
Commons: Flugunfäll i der Schwyz – Sammlig vo MultimediadateieQuelle
ändere- ↑ Unfallbericht MD-11 HB-IWF, Aviation Safety Network (änglisch), abgrüeft am 18. April 2021.
- ↑ Unfallbericht Short 360 HB-AAM, Aviation Safety Network (änglisch), abgrüeft am 18. April 2021.
- ↑ Unfallbericht Saab 2000 HB-IZY, Aviation Safety Network (änglisch), abgrüeft am 14. April 2015.
- ↑ Untersuchungsbericht der BFU über den Zwischenfall vom 10. Juli 2002 in Werneuchen vom Oktober 2010 PDF-Datei, abgrüeft am 14. April 2021
| nach Zyt |
| ||||
| nach Luftfahrzüüg |
| ||||
| nach Ereignis |
|