Voedsel
![](http://upload.wikimedia.org/wikipedia/commons/thumb/a/a4/Floris_Claesz._van_Dyck_001.jpg/250px-Floris_Claesz._van_Dyck_001.jpg)
Voedsel, ook bekend as kos, is enigiets wat grotendeels uit organiese stowwe soos koolhidrate, vette, proteïene en ook water bestaan, en wat deur lewende wesens opgeneem kan word vir die voedingswaarde daarvan, sowel as vir die plesier daarvan. Dit kan òf gaargemaak, òf rou geëet word.
Gaargemaakte voedsel
[wysig | wysig bron]- byna alle vleisgeregte
- 'n gekookte Sondagete
- vis-en-tjips
- braaivleis en boerewors
- potjiekos
- aartappels, mieliepap, rys, spaghetti, noedels
- beet, broccoli, groenboontjies, ertjies, kool, pampoen, wortels
- alle hoender- en pluimveegeregte
- hamburgers en kaasburgers
- eiers (gebak, gekook, omgeroer, geposjeer)
- soppe
- brood
- pizza
Rou voedsel
[wysig | wysig bron]- Koue slaaie, bevattende tamaties, wortels, komkommer, blaarslaai, uie en kruie.
- vrugte, bv. appels, appelkose, druiwe, lemoene, pruime, perskes, piesangs ens.
- neute en peulsade
- melk, kaas, jogurt
- koeldrank
Oorskietvoedsel
[wysig | wysig bron]Daar word na die oorgeblewe voedsel van 'n maaltyd verwys as "oorskietkos" of "oorskietvoedsel". In die meeste kulture word oorskietkos by nuwe maaltye geïntegreer: dit is egter belangrik om oorskietkos binne 'n dag of twee te gebruik (afhangende van die voedsel) om voedselvergifting deur afbraakbakterieë te voorkom.
Oorskietkos kom ook in restaurante voor, waar dit óf deur die restaurant weggegooi word, óf deur die kliënt na sy huis geneem word. Die oorskiet word dan in 'n "woefkardoes", "brakkiesakkie" of "brakkiepakkie" verpak (al drie terme is afkomstig van die Engelse "doggy bag"). Die naam is 'n eufemisme: die oorskiet word dikwels deur die kliënt tuis genuttig en minder dikwels deur dié se troeteldier. Dié verskynsel is egter nie in alle lande 'n gewoonte nie.
Sommige kulture beskou dit as 'n simbool van tevredenheid met die dis wanneer 'n klein stukkie onaangeraakte kos op die bord gelos word, terwyl ander hierdie houding as onbeskof beskou. In sommige kulture is dit ook goeie maniere om 'n halfgebyte stukkie op die bord te los. Hierdie stukkie word nie as oorskiet beskryf nie, omdat dit nie geëet sal word nie.
Sien ook
[wysig | wysig bron]Eksterne skakels
[wysig | wysig bron]Wikimedia Commons het meer media in die kategorie Voedsel.
Wikiwoordeboek het 'n inskrywing vir voedsel.