Vlag van die Britse Indiese Oseaangebied
![]() |
|
Gebruik | Burgerlike- en Staatsvlag en vaandel ![]() |
---|---|
Verhouding | 1:2 |
Goedgekeur | 8 November 1990[1] |
Ontwerp | ’n Blou vaandel met sewe golwende wit bane en ’n palmboom met ’n kroon daaroor op die wapperkant. |
Die vlag van die Britse Indiese Oseaangebied is op 8 November 1990 in gebruik geneem. Die vlag vertoon ’n blou Britse vaandel met sewe golwende wit bane op die blou agtergrond, ’n unievlag in die skildhoek en ’n palmboom met ’n kroon oor die stam op die wapperkant.
Geskiedenis
[wysig | wysig bron]Die vlag bevat die unievlag in die skildhoek en beeld die water van die Indiese Oseaan, waar die eilande geleë is, uit in die vorm van wit golwende bane op ’n blou agtergrond.[2] Die vlag vertoon ook ’n palmboom wat bo die kroon van Sint Eduard uittroon. Die vlag is tydens die 25ste herdenking van die gebied deur koningin Elizabeth II vir gebruik verleen aan die kommissaris en die vlag het slegs halfamptelike status.[3]
Aangesien siviele besoekers nie in die Britse Indiese Oseaangebied toegelaat word nie, is die gebruik van die vlag onseker. ’n Video wat deur die Vlootsteunfasiliteit in Diego Garcia vrygestel is, toon ’n toneel waar die vlag op land in die gebied gehys is.[4] Die enigste nedersettings op die eilande is die Anglo-Amerikaanse vloot- en lugmagbasisse.
Die vlag word in Diego Garcia naas die Amerikaanse vlag vertoon. Albei word teen sononder gestryk.
Die vlag is ontwerp vir die kommissaris van die Britse Indiese Oseaangebied.[1] Die kommissaris se basis is die Kantoor vir die Buiteland en die Gemenebes in Londen.[5]
-
’n Wapperende vlag in ’n video wat deur die Vlootsteunfasiliteit vrygestel is
-
’n Wapperende vlag by die Kantoor vir die Buiteland en die Gemenebes in Londen
Verwysings
[wysig | wysig bron]- ↑ 1,0 1,1 (en) "Britse Indiese Oseaangebied". Flags of the World. Besoek op 13 Augustus 2020.
- ↑ (en) "British Indian Ocean Territory Map and Information Page". WorldAtlas.com. Besoek op 27 Januarie 2016.
- ↑ (en) Amptelike BIOT-embleme Geargiveer 30 September 2007 op Wayback Machine. Kabel en Koordloos Diego Garcia. Besoek op 1 Februarie 2007.
- ↑ (en) Bevelvideo. Vlootsteunfasiliteit, Diego Garcia. Besoek op 28 Augustus 2006. Geargiveer 28 September 2006 op Wayback Machine
- ↑ (en) CIA – Die Wêreldfeiteboek – Britse Indiese Oseaangebied Geargiveer 29 November 2017 op Wayback Machine. Besoek op 28 Augustus 2006
Eksterne skakels
[wysig | wysig bron]![]() |
Wikimedia Commons bevat media in verband met Vlae van die Britse Indiese Oseaangebied. |
- (en) Britse Indiese Oseaangebied by Flags of the World.
Hierdie artikel is in sy geheel of gedeeltelik vanuit die Engelse Wikipedia vertaal. |