Vlag van Tokelau
![]() |
|
Gebruik | Burgerlike- en Staatsvlag ![]() |
---|---|
Verhouding | 1:2 |
Goedgekeur | 7 September 2009[1] |
Ontwerp | ’n Enkele blou baan met ’n geel gestileerde kano onder seil en ’n Suiderkruismotief in vier vyfpuntige sterre aan die vlagpaalkant. |
Die vlag van die Tokelau, amptelik deel van Nieu-Seeland, is op 7 September 2009 in gebruik geneem. Die vlag van Nieu-Seeland word amptelik op die eiland gebruik. Die vlag vertoon ’n enkele blou baan met ’n geel gestileerde kano onder seil en ’n Suiderkruismotief in vier vyfpuntige sterre aan die vlagpaalkant.
Voorstel van 1989
[wysig | wysig bron]’n Alternatiewe en nie-amptelike vlag is opgemerk.[1] Die drie sterre in hierdie vlag stel die drie atols wat Tokelau opmaak, voor.
Voorstel van 2007
[wysig | wysig bron]In Junie 2007 het die streeksparlement (Algemene Fono) ’n besluit geneem oor die toekoms van die vlag, lied en nasionale simbool van Tokelau.[2] Die voorgestelde vlag het ’n gestileerde Polinesiese kano en vier sterre uitgebeeld. Die sterre stel die drue hoofeilande en Swainseiland wat deur die VSA (Amerikaans-Samoa) geadministreer word maar wat deur Tokelau opgeëis word. Aangesien die vereiste supermeerderheid nie in 2007 behaal is vir selfregering nie, is die vlag nie amptelik aanvaar nie.
Finale voorstel van 2008
[wysig | wysig bron]In Mei 2008 het die Algemene Fono die finale weergawes van die nasionale simbole van Tokelau goedgekeur. Die goedgekeurde vlagontwerp is gebaseer op die 2007-voorstel met klein veranderinge aan die plasing van die sterre in ’n Suiderkruisformasie eerder as ’n geografiese voorstelling van die eilande.[3] ’n Nasionale embleem is ook goedgekeur.
Koninklike goedkeuring in 2009
[wysig | wysig bron]Die Goewerneur-generaal het op 7 September 2009 die vlag aan die Ulu ingedien as Tokelau se eerste amptelike vlag. ’n Amptelike bekendstelling van die nuwe vlag is vir Oktober 2009 beplan.[4]
Ander vlae
[wysig | wysig bron]-
Vlag van Nieu-Seeland
-
Rekonstruksie van die 2007-vlag
Eksterne skakels
[wysig | wysig bron]- (en) Tokelau by Flags of the World.
Verwysings
[wysig | wysig bron]- ↑ 1,0 1,1 "Tokelau" (in Engels). Flags of the World. Geargiveer vanaf die oorspronklike op 3 November 2019. Besoek op 2 Julie 2013.
- ↑ Tokelauaanse Raad van Voortgesette Regering. "Tokelau besluit oor vlag, volkslied en nasionale simbool". Bulletin van 19 Junie 2007 (in Engels). Geargiveer vanaf die oorspronklike op 2 Mei 2020. Besoek op 23 Oktober 2007.
- ↑ (en) Amptelike webblad vir die Tokelauaanse Raad van Voortgesette Regering
- ↑ (en) Goewerneur-generaal van Nieu-Seeland (7 September 2009). "Nuwe vlag vir Tokelau: Goewerneur-generaal geen eerste amptelike vlag aan die Ulu-o-Tokelau". Persberig. http://www.gg.govt.nz/node/1988.
![]() |
Wikimedia Commons bevat media in verband met Vlae van Tokelau. |