Tongaanse Rugbyunie
| Tongaanse Rugbyunie | |
|---|---|
 Kenteken van die Tongaanse Rugbyunie
| |
| Engelse naam | Tonga Rugby Union |
| Afkorting | TRU |
| Land |  Tonga
|
| Sportsoorte | Rugby, Sewesrugby |
| Stigting | 1923 |
| Lid van | Wêreldrugby |
| Aangesluit in | 1987 |
| Vastelandse beheerliggaam | Oseanië Rugby |
| President | Epi Taione |
| Setel | Nukuʻalofa, Tonga |
| Amptelike tale | Engels en Tongaans |
| Amptelike webwerf | tonga-rugby.com |
Die Tongaanse Rugbyunie (Engels: Tonga Rugby Union, afgekort “TRU”) is die bestuursliggaam wat rugby en sewesrugby in Tonga beheer. Die beheerliggaam is in 1923 gestig en in Nukuʻalofa gesetel. Sedert 1987 verteenwoordig dit Tonga by Wêreldrugby en sedert 2000 ook by Oseanië Rugby (“OR”).
Geskiedenis
[wysig | wysig bron]Die Tongaanse Rugbyunie is in 1923 as die Tongaanse Rugbyvoetbalunie (Engels: Tonga Rugby Football Union) gestig en het in 1987, net voor die eerste rugbywêreldbekertoernooi, ’n volle lid van die Internasionale Rugbyvoetbalraad (IRVR; nou Wêreldrugby) geword.[1] Daarbenewens was die Tongaanse Rugbyunie in 2000 ’n stigtingslid van die Vereniging van Oseaniese Rugbyunies (Federation of Oceania Rugby Unions, FORU; nou Oseanië Rugby).[2]
Taak
[wysig | wysig bron]Die Tongaanse Rugbyunie organiseer verskeie nasionale spanne, insluitend Tonga se nasionale seniorrugbyspan vir mans (die ʻIkale Tahi), vroue en jeug. Die TRU hou ook toesig oor sewesrugby in Tonga en aangesien dit ’n Olimpiese sportsoort is, werk hulle met die Tongaanse Nasionale Olimpiese Komitee saam. Tonga is een van die min lande waar rugby die hoofsport is. Slegs die Cookeilande, Fidji, Nieu-Seeland, Samoa en Wallis kan soortgelyke bewerings maak.[3] Naas die amptelike nasionale span roep die Tongaanse Rugbyunie ook ander keurspanne byeen. Tonga A is die tweede nasionale span van Tonga en hulle neem aan Wêreldrugby se Stille Oseaan-uitdaagtoernooi deel. Die Tonga Sevens is die Tongaanse sewesrugbyspan en hulle neem aan internasionale toernooie soos Wêreldrugby se Sewesreeks, Sewesrugbywêreldbeker, Olimpiese Somerspele en die Statebondspele deel. Daarbenewens bestuur die beheerliggaam kinder- en jeugrugby in Tonga. Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Net soos ander rugbylande beskik Tonga oor ’n o/20-nasionale span wat aan die Wêreldrugby o/20-kampioenskap deelneem.[4]
As deel van die Stille Oseaan-eilande Rugbyalliansie het die beheerliggaam van 2004 wedstryde gereël van die Stille Oseaan-eilanders, ’n gemeensame keurspan van die drie Stille Oseaan-eilandstate Fidji, Samoa en Tonga. Aangesien die Stille Oseaan-eilanders nie die gewenste inkomste vir die beheerliggame gegenereer het nie, het die Samoaanse beheerliggaam dié samewerking in 2009 beëindig.[5] Sedert 2022 word die Stille Oseaan-eilande (feitlik die Cookeilande, Fidji, Samoa en Tonga) in die internasionale Superrugbytoernooi verteenwoordig deur die gesamentlike professionele span Moana Pasifika, wat aan dié toernooi deelneem saam met spanne uit Australië, Nieu-Seeland en een uit Fidji.[6]
Die beheerliggaam reël ook die plaaslike kompetisies. Die hoogste rugbyliga in die land is die Datec-beker Provinsiale Kampioenskap.
Kenteken
[wysig | wysig bron]Die Tongaanse Rugbyunie se kenteken toon ’n wit vredesduif met ’n olyftakkie in sy snawel, op ’n blou agtergrond voor ’n rooi kruis op ’n geel agtergrond. Die nasionale span se bynaam is ʻIkale Tahi, Tongaans vir “seearend”.
Verwysings
[wysig | wysig bron]- ↑ (en) "Tonga". Wêreldrugby. Besoek op 27 Maart 2024.
- ↑ (en) Robert F. Dewey (2012). John Nauright, Charles Parrish (red.). Rugby Union Football, Pacific Islands. pp. 445–447. ISBN 978-1-59884-300-2.
{{cite book}}:|work=ignored (hulp) - ↑ (en) "Rugby History in Fiji". Teivovo. Geargiveer vanaf die oorspronklike op 14 November 2007. Besoek op 14 November 2007.
- ↑ (en) "World Rugby U20 Championship". Wêreldrugby. Besoek op 27 Maart 2024.
- ↑ (en) "Samoa quits Pacific Islands Rugby Alliance". Planet Rugby. 17 Julie 2009. Geargiveer vanaf die oorspronklike op 21 Julie 2009. Besoek op 21 Julie 2009.
- ↑ (en) "Reports: Agreement reached for 12-team Super Rugby from 2022". SA Rugby Magazine. Besoek op 27 Maart 2024.
Eksterne skakels
[wysig | wysig bron]Nasionale Rugbyunies van Wêreldrugby | ||
|---|---|---|
| Afrika | Algerië • Benin • Botswana • Burkina Faso • Burundi • Demokratiese Republiek die Kongo • Egipte • Eswatini • Gaboen • Ghana • Guinee • Ivoorkus • Kameroen • Kenia • Lesotho • Madagaskar • Malawi • Mali • Marokko • Mauritius • Namibië • Niger • Nigerië • Republiek die Kongo • Rwanda • Senegal • Sentraal-Afrikaanse Republiek • Seychelle • Suid-Afrika • Tanzanië • Togo • Tsjad • Tunisië • Uganda • Zambië • Zimbabwe |  |
| Asië | Afghanistan • Bahrein • Bangladesj • Broenei • Filippyne • Guam • Hongkong • Indië • Indonesië • Irak • Iran • Japan • Jordanië • Kambodja • Kasakstan • Katar • Kirgisië • Korea • Laos • Libanon • Macau • Maleisië • Mongolië • Nepal • Oesbekistan • Oman • Pakistan • Palestina • Republiek China • Saoedi-Arabië • Singapoer • Sirië • Sri Lanka • Thailand • Verenigde Arabiese Emirate • Volksrepubliek China | |
| Europa | Andorra • Belarus • België • Bosnië en Herzegowina • Bulgarye • Denemarke • Duitsland • Engeland • Estland • Finland • Frankryk • Georgië • Hongarye • Ierland • Israel • Italië • Kosovo • Kroasië • Letland • Liechtenstein • Litaue • Luxemburg • Malta • Moldowa • Monaco • Montenegro • Nederland • Noorweë • Oekraïne • Oostenryk • Pole • Portugal • Roemenië • Rusland • San Marino • Serwië • Siprus • Skotland • Slowakye • Slowenië • Spanje • Swede • Switserland • Tsjeggië • Turkye • Wallis • Ysland | |
| Noord-Amerika | Bahamas • Barbados • Belize • Bermuda • Britse Maagde-eilande • Curaçao • Dominikaanse Republiek • Frans-Guyana • Guadeloupe • Guyana • Jamaika • Kaaimanseilande • Kanada • Kuba • Martinique • Meksiko • St. Lucia • St. Vincent en die Grenadine • Trinidad en Tobago • Turks- en Caicoseilande • Verenigde State | |
| Oseanië | Amerikaans-Samoa • Australië • Cookeilande • Fidji • Kiribati • Nauru • Nieu-Kaledonië • Nieu-Seeland • Niue • Papoea-Nieu-Guinee • Salomonseilande • Samoa • Tahiti • Tonga • Tuvalu • Vanuatu • Wallis en Futuna | |
| Suid-Amerika | Argentinië • Bolivië • Brasilië • Chili • Colombia • Costa Rica • Ecuador • El Salvador • Guatemala • Honduras • Nicaragua • Panama • Paraguay • Peru • Uruguay • Venezuela | |
Vetdruk dui op vlak-een-lede en skuinsdruk op vlak-twee- en vlak-drie-lede met rugbywêreldbekerervaring | ||