Tom Hardy
Tom Hardy | |
![]() | |
Hardy in 2014 by die première van The Drop.
| |
Geboortenaam | Edward Thomas Hardy |
---|---|
Geboorte | 15 September 1977 |
Aktiewe jare | 2001-tans |
Edward Thomas "Tom" Hardy[1] (gebore op 15 September 1977) is ’n Britse akteur, draaiboekskrywer en vervaardiger.
Loopbaan
[wysig | wysig bron]![](http://upload.wikimedia.org/wikipedia/commons/thumb/7/73/Tom_Hardy_Cannes_2015.jpg/180px-Tom_Hardy_Cannes_2015.jpg)
Hy het sy rolprentdebuut in 2001 in Ridley Scott se oorlogsfliek Black Hawk Down gemaak. Sy ander noemenswaardige prente sluit in die wetenskapsfiksieprent Star Trek: Nemesis (2002), die misdaadprent RocknRolla (2008), die biografiese sielkundedrama Bronson (2008), die riller Inception (2010), die sportdrama Warrior (2011), spioenasiefliek Tinker Tailor Soldier Spy (2011), die misdaaddrama Lawless (2012), die drama Locke (2013), die rampokkerfliek The Drop (2014) en die biografiese western-riller The Revenant (2015), waarvoor hy vir ’n Oscar vir beste manlike byspeler benoem is. Hy was ook Bane in die superheldfliek The Dark Knight Rises (2012), "Mad" Max Rockatansky in Mad Max: Fury Road (2015) en albei Kray-tweelingbroers in die misdaadriller Legend (2015).
Hardy se televisierolle sluit in die oorlogsdrama-minireeks Band of Brothers (2001), die historiese minireeks The Virgin Queen (2005), Wuthering Heights (2008), die dramareeks The Take (2009) en die historiese misdaaddramareeks Peaky Blinders (2013).
Hy was ook in die VSA en Brittanje op die verhoog. Hy is vir ’n Olivier-prys benoem vir die mees belowende nuweling vir sy rol as Skank in die 2003-produksie van In Arabia We'd All Be Kings. In 2003 het hy die Evening Standard-prys ontvang vir uitnemende nuweling in beide In Arabia We'd All be Kings en Blood. Hy was ook in die 2007-produksie van The Man of Mode en het in 2010 positiewe resensies gekry vir sy spel in The Long Red Road, wat deur Philip Seymour Hoffman geregisseer is.
Die kommersiële mislukking in 2002 van Star Trek: Nemesis het daartoe gelei dat Hardy verslaaf geraak het aan alkohol en crack.[2] Hy is in 2015 gekies as een van die tydskrif GQ se 50 bes geklede mans.[3]
Verwysings
[wysig | wysig bron]- ↑ Hadfield, Tom (25 Augustus 2011). "Tom Hardy timeline" (in Engels). Telegraph. Geargiveer vanaf die oorspronklike op 13 April 2020. Besoek op 15 Januarie 2014.
- ↑ McLean, Gareth (23 Junie 2009). "'I want adulation'". The Guardian. England: Guardian News and Media Limited. p. 13.
- ↑ "50 Best Dressed Men in Britain 2015". GQ (in Engels). 5 Januarie 2015. Geargiveer vanaf die oorspronklike op 15 Januarie 2016.
Eksterne skakels
[wysig | wysig bron]- Tom Hardy by AllMovie
- Tom Hardy in die Internet-rolprentdatabasis
- Tom Hardy in die TCM-rolprentdatabasis
Wikimedia Commons het meer media in die kategorie Tom Hardy.
Hierdie artikel is vertaal uit die Engelse Wikipedia