Stephen Saad
Stephen Bradley Saad (gebore Junie 1964) is 'n Suid-Afrikaanse miljardêr-sakeman, wat die stigter en uitvoerende hoof is van Aspen Pharmacare, die grootste vervaardiger van generiese medisyne in Afrika.
Vroeë lewe
[wysig | wysig bron]Stephen Bradley Saad is in Junie 1964 vir Libanese ouers gebore,[1] en het in Durban, Suid-Afrika, grootgeword.[2] Hy was op skool aan die Hoërskool Durban.[3][4] Hy het aan die Universiteit van Natal gegradueer, waar hy 'n Baccalaureus in Handel ontvang het.[3][5] Hy het rugby in Ierland gespeel en gestudeer om 'n geoktrooieerde rekenmeester te word.[2][4][5]
Loopbaan
[wysig | wysig bron]Hy het sy loopbaan begin by Quickmed, 'n verspreidingsmaatskappy van voorskrifmedikasie in swart townships tydens apartheid.[2] Op die ouderdom van nege-en-twintig het hy sy aandeel in Covan Zurich vir VS$3 miljoen verkoop en sodoende 'n miljoenêr geword.[6]
In 1997 was hy saam met Gus Attridge 'n medestigter van Aspen Pharmacare, 'n publieke maatskappy wat op die Johannesburgse Aandelebeurs verhandel word.[4] Die maatskappy het die grootste produsent van generiese medisyne op die Afrika-kontinent geword. [6] Hy dien as sy uitvoerende hoof en Gus Attridge as sy adjunk- uitvoerende hoof, en dien op sy direksie.[5] In 2011 was hy VS$640 miljoen werd en het hy een van Afrika se 40 rykste mense geword.[3]> Sy aandeleportefeulje het in 2013 met 75% gestyg.[6] Hy is nou VS$1,4 miljard werd.[6][2]
Daarbenewens is hy voorsitter van die Sharks, 'n rugbyunie in Durban.[2] Hy dien ook op die raad van trustees van sy alma mater, die Hoërskool Durban. [4] In 2014 is 'n eredoktorsgraad deur die Nelson Mandela Metropolitaanse Universiteit aan hom toegeken vir die positiewe rol van Aspen in die stad Gqeberha.
Persoonlike lewe
[wysig | wysig bron]Hy woon in Durban en spandeer tyd by sy privaatreservaat in die Sabi Sand-wildreservaat langs die Krugerwildtuin.[7] Hy is getroud en het vier dogters. [4]
Verwysings
[wysig | wysig bron]- ↑ "Stephen Bradley SAAD – Personal Appointments (free information from Companies House)". Beta.companieshouse.gov.uk. Besoek op 23 Junie 2017.
- ↑ 2,0 2,1 2,2 2,3 2,4 Andrew England, South Africa’s dose of big pharma, Financial Times, 17 November 2013
- ↑ 3,0 3,1 3,2 Caleb Melby, South African Pharma Entrepreneur Stephen Saad Joins The Billionaires' Club, Forbes, 17 Desember 2012
- ↑ 4,0 4,1 4,2 4,3 4,4 Foundation, DHS. "DHS Foundation | DHS school community of Old Boys". www.dhsfoundation.co.za (in Engels). Geargiveer vanaf die oorspronklike op 23 April 2014. Besoek op 12 September 2017.
- ↑ 5,0 5,1 5,2 "Stocks". Bloomberg.com. Besoek op 9 Januarie 2018.
- ↑ 6,0 6,1 6,2 6,3 "Stephen Saad". Forbes (in Engels). Besoek op 12 September 2017.
- ↑ "Stephen Saad". Forbes (in Engels). Besoek op 12 September 2017.