Stedelike gebied
![](http://upload.wikimedia.org/wikipedia/commons/thumb/5/5f/Bereikbaarheidskaart.png/220px-Bereikbaarheidskaart.png)
'n Stedelike gebied of urbane gebied is 'n gebied wat ten opsigte van sy omgewing 'n verhoogde graad van verstedeliking vertoon.
Daar is stedelike gebiede in talle grootte en vorms. Dit kan 'n enkele stad wees wat in vergelyking met sy omgewing groot is soos Bloemfontein, of dit kan 'n enkele agglomerasie wees soos Brussel, of 'n reeks agglomerasies of konurbasie soos die Randstad in Nederland of Gauteng in Suid-Afrika. Die begrip stedelike gebied word selfs gebruik om te verwys na groter gebiede soos dele van Wes-Europa wat Nederland, Vlaandere en die weste van Duitsland soos die Roergebied omspan, of die “BosWash” wat 'n groot deel van die noordooste van die Verenigde State omvat.
Vervoer
[wysig | wysig bron]![](http://upload.wikimedia.org/wikipedia/commons/thumb/f/fe/Gautrain...%2C_O_R_Tambo_Intl_Airport_South_Africa.jpg/220px-Gautrain...%2C_O_R_Tambo_Intl_Airport_South_Africa.jpg)
Die groot krag van n stedelike gebied is dat die bewoners binne hierdie gebied groot interaksie met mekaar ondergaan. Die tradisionele stad het op verkeer te voet gesteun. Die mense het gewoonlik binne 'n radius gebly wat hulle in 'n half uur kan loop, ongeveer drie kilometer. Groter stedelike gebiede het daarom net kan ontstaan deurdat hulle met trein, bus of ander motorvoertuig oor groter afstande het kan beweeg. Die vervoermiddels het daardeur die interaksie tussen baie meer mense moontlik gemaak en dit het ook ekonomiese groei bevorder. Die vervoerstelsel van die stedelike gebied is dus van essensiële belang.
Ekologie
[wysig | wysig bron]Stedelike gebiede is ekologies dikwels baie arm en kan stedelike hitte-eilande vorm.
Bronne
[wysig | wysig bron]Hierdie artikel is (gedeeltelik) vertaal uit die Nederlandse Wikipedia. Sien bron.