Reine
Reine | |
|---|---|
Dorp | |
 'n Uitsig oor Reine | |
  Reine | |
| Koördinate: 67°56′02″N 13°05′22″O / 67.93389°N 13.08944°O | |
| Land |  Noorweë |
| Fylke | Nordland |
| Kommune | Moskenes |
| Oppervlak | |
| • Totaal | 0,33 km2 (0,13 vk. myl) |
| Bevolking | |
| • Totaal | 329 |
| • Digtheid | 997/km2 (2 580/vk. myl) |
| Tydsone | UTC+01:00 (MET) |
| Skakelkodes | 8390 |
Reine is 'n dorp in Noorweë met 329 inwoners. Die nedersetting dien as die administratiewe sentrum van die Moskenes-munisipaliteit en het al in 1743 'n beduidende handelsentrum geword. Ondanks sy afgeleë ligging het Reine tot 'n belangrike toeristebestemming ontwikkel, en 'n foto met 'n uitsig oor Reine is op die voorblaaie van 'n aantal reisgidse en reisbrosjures gebruik.
Ligging
[wysig | wysig bron]Die dorpsgebied van Reine het op 'n aantal eilande uitgebrei, en vanweë sy ligging en natuurskoon word dit as die mooiste vissersdorp op die Lofoten-argipel beskou.[1] Die dorpskern lê op 'n skiereiland in die Reinefjord. Reine word vanaf die weste tot by die noordooste deur berge omring. Die bergspits Reinebringen bied 'n pragtige uitsig oor die dorp en die berge, eilande en fjorde in sy omgewing.
Geskiedenis en ekonomie
[wysig | wysig bron]Die plaaslike Sverdrup-gesin het al sedert die jaar 1743 'n belangrike rol in Reine se ekonomie gespeel. Die klein dorpskerk is in 1891 deur Hartvig Sverdrup gebou, en die Sverdrup-begraafplaas lê langsaan die kerk.
Die Sverdrups is nog steeds die belangrikste werkgewer in Reine. Die ou vistraanfabriek in Reine is lankal gedemonteer, en toerisme en die uitvoer van stokvis vorm tans die ekonomiese basis van die dorp.