Plejade (mitologie)
![](http://upload.wikimedia.org/wikipedia/commons/thumb/6/6b/Elihu_Vedder_-_The_Pleiades%2C_1885.jpg/250px-Elihu_Vedder_-_The_Pleiades%2C_1885.jpg)
- Hierdie artikel handel oor die Griekse mitologie. Vir die groep sterre sien Plejades (sterreswerm).
Die Plejades (Grieks: Πλειάδες), deel van Artemis se gevolg, was die sewe dogters van die Titaan Atlas en die seenimf Plejone. Hulle was die susters van Kalipso, Hias, die Hiades (reënnimfe) en die Hesperides (nimfe van die weste). Die Plejades en Hiades is saam die Atlantides, Dodonides of Nysiades genoem; hulle was die oppassers en onderwysers van die seun Dionusos.
Daar is onsekerheid oor waar die naam Plejades vandaan kom. Voorheen is aanvaar hulle is genoem na hulle moeder, Plejade, maar dit kom meer waarskynlik van die Griekse woord πλεῖν (plein; seil), want die sterreswerm Plejades (Sewe Susters) is op noordelike somernagte in die Middellandse Seegebied te sien: van middel Mei tot begin November, wat in die antieke tyd die seilseisoen was.
Mite
[wysig | wysig bron]![](http://upload.wikimedia.org/wikipedia/commons/thumb/d/dc/William-Adolphe_Bouguereau_%281825-1905%29_-_Lost_Pleiad_%281884%29.jpg/120px-William-Adolphe_Bouguereau_%281825-1905%29_-_Lost_Pleiad_%281884%29.jpg)
Nadat Atlas gedwing is om die hemelruim op sy skouers te dra, het Orion al die susters die hof begin maak. Zeus het hulle toe eers in duiwe en toe in sterre verander sodat hulle hulle pa kon vertroos. Orion se sterrebeeld, ook bekend as die Jagter, volg hulle glo steeds snags oor die hemelruim.
Van die Sewe Susters skyn net ses helder, die sewende ster (Merope) skyn net dof omdat sy glo vir ewig skaam is oor die feit dat sy ’n verhouding met ’n sterflike gehad het. Volgens ander mites is die dowwe ster Elektra; sy het glo weggegaan sodat sy nie op Troje hoef neer te kyk nie, want die stad is deur haar seun Dardanus gestig.[1]
Verwysings
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:Pleiades (Greek mythology)
- ↑ Bulfinch, Thomas Bulfinch's Mythology Barnes and Noble, 2006, pp. 194-195.
- Kohn, Rachael (10 Oktober 2004). "The Seven Stars of the Pleiades". Australian Broadcasting Corporation. Geargiveer vanaf die oorspronklike op 2 November 2004. Besoek op 1 Mei 2007.